BẢN TIN THỨ NĂM NGÀY 12/01/2017

ព័ត៌មានថ្ងៃព្រហស្បតិ៍

១.បង្កើនតួនាទីរបស់អ្នកមានកិត្យានុភាពក្នុងតំបន់ជនជាតិភាគតិច 

ថ្មីៗនេះ លោកនាយករដ្ឋមន្រ្តីបានអនុម័តយល់ព្រមទៅលើគម្រោងការ "បង្កើនតួនាទីរបស់ អ្នកមានកិត្យានុភាពក្នុងតំបន់ជនជាតិភាគតិច" ។

យោងតាមនោះ អ្នកដែលមានកិត្យានុភាពគឺជាអ្នកយល់ច្បាស់ និងអនុវត្តល្អនូវគោលការណ៍ មាគ៌ារបស់បក្ស គោលនយោបាយ និងច្បាប់របស់រដ្ឋ, បទកំណត់នានារបស់មូលដ្ឋានស្នាក់នៅ និងបំពេញសព្វគ្រប់អំពីសិទ្ធិ និងកាតព្វកិច្ចរបស់ប្រជាពលរដ្ឋ; ខ្លួននិងក្រុមគ្រួសារជាគំរូល្អ, មានទំនៀមទម្លាប់ល្អ, មានឥរិយាបទ, ដោះស្រាយបានល្អទំនាក់ទំនងក្នុងគ្រួសារ និងសហ គមន៍; ជាអ្នកគំរូឆ្នើម មានទំនាក់ទំនងជិតស្និទ្ធ មានឥទ្ធិពលខ្លាំង និងមានសមត្ថភាពក្នុងការ ប្រមូលផ្តុំបងប្អូនជនជាតិភាគតិចក្នុងតំបន់មួយចំនួន ត្រូវបានប្រជាជនក្នុងសហគមន៍ជឿទុក ចិត្ត ស្តាប់ និងធ្វើតម្រាប់តាម។

២.រង្វាន់អំណរបុណ្យចូលឆ្នាំថ្មីប្រពៃណីជាតិមធ្យមចំនួន ៤,៩ លានដុងក្នុងមនុស្សម្នាក់

នៅឯរដ្ឋធានីហាណូយ ក្រសួងការងារយុទ្ធជនពិការនិងសង្គមកិច្ច បានរាយការណ៍អំពីស្ថាន ភាព ប្រាក់បៀវត្សឆ្នាំ ២០១៦ និងប្រាក់រង្វាន់អំណរបុណ្យចូលឆ្នាំថ្មី ២០១៧។ ជាក់ស្តែង ប្រាក់ រង្វាន់ជាមធ្យមរបស់អាជីវកម្មនានានៅក្នុងទូទាំងប្រទេស នាឱកាសចូលឆ្នាំថ្មី សកលកន្លងទៅ នេះគឺ ១.២៥៣ លានដុងក្នុងមនុស្សម្នាក់ (ច្រើនជាងឆ្នាំមុនចំនួន ៦,២%); រីឯប្រាក់រង្វាន់អំណរ បុណ្យចូលឆ្នាំថ្មីប្រពៃណីជាតិ ២០១៧ គិតជាមធ្យមវិញ តាមការរាយការណ៍ និងតាមការ សរុបពីសហគ្រាសនានានៅក្នុង ៦៣ ខេត្តក្រុងគឺចំនួន ៤,៩ លានដុងក្នុងមនុស្សម្នាក់ ។

៣.ជូនសំបុត្ររថយន្ត និងសំបុត្រយន្តហោះរាប់ពាន់សន្លឹក សម្រាប់កម្មករត្រឡប់ទៅស្រុក អំណរបុណ្យចូលឆ្នាំថ្មី

ថ្មីៗនេះ នៅក្នុងអាគាកុមារខណ្ឌ Thủ Đức នៃទីក្រុងហូជីមិញ សហព័ន្ធពលកម្មប្រចាំទីក្រុង ហូជីមិញ បានរៀបចំពិធីប្រគល់ "សំបុត្រមនោសញ្ចេតនា" ជូនកម្មករកំពុងប្រកបការងារនៅ ក្នុងតំបន់កែច្នៃនាំចេញ Linh Trung លេខ ១, លេខ ២ និងសួនឧស្សាហកម្ម Bình Chiểu។

បានដឹងថា នេះគឺជាសកម្មភាពមួយស្ថិតក្នុងកម្មវិធីយកចិត្តទុកដាក់អំណរបុណ្យចូលឆ្នាំថ្មីជូន កម្មករដែលមានស្ថានភាពក្រលំបាក កម្មករនៅឆ្ងាយពីស្រុកកំណើតច្រើនឆ្នាំជាបន្តបន្ទាប់ គ្មានលក្ខណៈបានត្រឡប់ទៅស្រុកកំណើតអំណរបុណ្យចូលឆ្នាំថ្មី និងជួបជុំជាមួយគ្រួសារ របស់ខ្លួន។ ហើយកម្មវិធីបានប្រគល់សំបុត្ររថយន្តចំនួន ២.៣៣២ សន្លឹក, សំបុត្រយន្តហោះ ចំនួន ២០ សន្លឹក និងអំណោយដល់កម្មករ ។

៤. បង្កើតបន្ថែមមណ្ឌលជួយសង្គ្រោះបន្ទាន់ ១១៥

ថ្មីៗនេះ មន្ទីរសុខាភិបាលទីក្រុងហូជីមិញ បានបើកដំណើរការមណ្ឌលជួយសង្គ្រោះបន្ទាន់ ១១៥ (គឺជាមណ្ឌលទី ២៣) ស្ថិតនៅមន្ទីរពេទ្យកែតម្រូវរូបរាងនិងជំងឺការងារខណ្ឌលេខ ៨ នៃទីក្រុងហូជីមិញ, មន្ទីរពេទ្យនេះមានការរៀបចំគ្រូពេទ្យឲ្យប្រចាំការដើម្បីជួយ សង្គ្រោះបន្ទាន់ ២៤ ម៉ោង, មានរថយន្តសង្គ្រោះបន្ទាន់មានឧបករណ៍គ្រប់គ្រាន់និងត្រៀមខ្លួនជាស្រេច ដើម្បី ដឹកអ្នកជំងឺក្នុងរយៈពេលចំនួន ៥នាទីដើម្បីជួយសង្រ្គោះដំបូង ហើយដឹកអ្នកជំងឺមកមន្ទីរពេទ្យនេះព្យាបាល ឬបញ្ជូនអ្នកជំងឺទៅមន្ទីរពេទ្យជិតបំផុត ។

បច្ចុប្បន្ន មន្ទីរពេទ្យនេះ មានគ្រែអ្នកជំងឺចំនួន ៤០០ គ្រឿង និងមានបណ្តាផ្នែកដូចជា: ផ្នែកជំ ងឺទូទៅ - កែទម្រង់រាងកាយ, ផ្នែកសរសៃប្រសាទ - ខួក្បាល និងជំនួយដង្ហើមក្រោយពេល វៈកាត់ ... ប៉ុន្មានឆ្នាំកន្លងទៅនេះ មន្ទីរពេទ្យបានចូលរួមជួយសង្គ្រោះបន្ទាន់អ្នកជំងឺខាងក្រៅ មន្ទីរពេទ្យជាប្រចាំ និងជួយសង្រ្គោះដំបូងករណីធ្ងន់ធ្ងរទាន់ពេលវេលាជាច្រើនផងដែរ។

៥. រៀបចំពិធីរៀបមង្គលការសមូហភាព សម្រាប់ពលករក្រីក្រ

កាលពីថ្ងៃទី ១០​ខែមករា នៅឯភោជនីយដ្ឋាន Hải Tượng នៃទីក្រុង Sóc Trăng មានស្វាមី ភរិយា ចំនួន ១៧ គូរ ជាសមាជិកសហជីពយុវជន និងកម្មករក្រីក្រក្នុងខេត្ត Sóc Trăng បាន ចូលរួមពិធីមង្គលការសមូហភាពលើកទី ៣ ឆ្នាំ ២០១៧ ។ កម្មវិធីនេះត្រូវបានរៀបចំឡើង ដោយ សម្ព័ន្ធសមាគមន៌យុវជនខេត្ត Sóc Trăng, សហព័ន្ធការងារខេត្ត សហការជាមួយវិទ្យុ - ទូរទស្សន៍ខេត្តSóc Trăng ។

ពិធីរៀបមង្គលការសមូហភាពសម្រាប់កម្មករក្រីក្រលើកទី ៣ ឆ្នាំ ២០១៧ បន្តទទួលបានការ យកចិត្តទុកដាក់ និងបានជំនូយសោហ៊ុយរៀបចំ ១០០% ពីសប្បុរសជនជាច្រើន, និងអាជីវកម្ម នានា; ឆ្លងតាមការរៀបចំនេះបានបន្តបង្កើតចេញនូវលក្ខណៈសញ្ញាមួយអំពីពិធីមង្គលការប្រ កបដោយអរិយធម៌ ស៊ីវិល័យ មនោសញ្ចេតនា និងសន្សំសំចៃ៕

“Gói Bánh Chưng Xanh Cùng Người Nghèo Ăn Tết” Nhân Dịp Tết Nguyên Đán 2017

 ("វេចនំអន្សមជ្រុងអំណរបុណ្យចូលឆ្នាំថ្មី ជាមួយប្រជាជនក្រីក្រ" នាឱកាសអំណរបុណ្យចូលឆ្នាំថ្មីប្រពៃណីជាតិ ២០១៧)

គណៈគ្រប់គ្រងភូមិវប្បធម៍ - ទេសចរណ៍បណ្តាជនជាតិភាគតិចវៀតណាម សហការជាមួយ សមាគមការពារធម្មជាតិ និងបរិស្ថាន វៀតណាម, មន្ទីរវប្បធម៍ - កីឡានិងទេសចរណ៍នៃខេត្ត ដូចជា ខេត្ត Điện Biên, ខេត្ត Hà Tĩnh, ខេត្ត Quảng Bình និងខេត្ត Quảng Trị, ព្រមទាំងបុគ្គល អង្គភាព សហគ្រាស និងបណ្តាអង្គការមហាជន បានរៀបចំកម្មវិធី "វេចនំអន្សមជ្រុងអំណរ បុណ្យចូលឆ្នាំថ្មីជាមួយប្រជាជនក្រីក្រ" នាឱកាសអំណរបុណ្យចូលឆ្នាំថ្មី ប្រពៃណីជាតិ ២០១៧ ។

បានដឹងថា កម្មវិធីនេះនឹងត្រូវបានប្រព្រឹត្តធ្វើឡើងចាប់ពីថ្ងៃទី ១៧ ដល់ថ្ងៃទី ១៩ ខែមករានេះ ដោយមានប្រធានបទ "មនោ សញ្ចេត្តនាចូលរួមឆ្នាំថ្មីជាមួយអ្នកក្រីក្រ" ។ នេះគឺជាសកម្មភាព ពោពេញទៅដោយមនុស្សធម៌យ៉ាងជ្រាលជ្រៅ ថវិការដើម្បីរៀបចំកម្មវិធីនេះ ត្រូវបានគៀងគ ពីសហគមន៌, ពីការរួមចំណែករបស់បុគ្គល អាជីវកម្មដែលមានចិត្តសប្បុរសធម៌។ ទង្វើនេះ បានសម្តែងនូវគុណធម៌ "ផឹកទឹកនិកប្រភព" ; និងការ"ជួយគ្នាទៅវិញទៅមក " ដ៏ថ្លៃថ្នូររបស់ប្រ ជាជនយើង។

ឆ្លងតាមរយៈសកម្មភាពនេះ បានឧទ្ទេសនាមដល់ភ្ញៀវទេសចរក្នុងនិងក្រៅប្រទេសអំពីវប្បធម៍ ដ៏ពិសេសនៃប្រពៃណីអំណរបុណ្យចូលឆ្នាំថ្មីប្រពៃណីជាតិរបស់ប្រជាជនក្នុងប្រទេសវៀតណាម, ពិសេស គឺការអប់រំយុវជនជំនាន់ក្រោយមានការទទួលខុសត្រូវក្នុងការអភិរក្ស និងថែរក្សា វប្បធម៍ប្រពៃណី, លើកទឹកចិត្តស្មរតីសប្បាយរីករាយអំណរបុណ្យចូលឆ្នាំថ្មី។

កម្មវិធីនឹងបានដំណើរការនៅព្រឹកថ្ងៃទី ១៧​ខែមករា ហើយចូលរួមវេចនំអម្សមជ្រុង រួមមាន សមាជិកសហជីប គណៈគ្រប់គ្រងភូមិវប្បធម៍ - ទេសចរណ៍ក្រុមជនជាតិវៀតណាម និងប្រជា សហគមន៍ ៧ ជនជាតិភាគតិចកំពុងធ្វើសកម្មភាពជាប្រចាំនៅ"ភូមិ"រួមមានៈ ប្រជាសហគមន៍ ជនជាតិ Thái, Mường, Khơ Mú, Dao, Tày, Ê Đê និងប្រជាសហគមន៍ជនជាតិខ្មែរ, សម្ព័ន្ធយុវជន នៃក្រសួងវប្បធម៍ - កីឡានិងទេសចរណ៍, បុគ្គល, អង្គភាព, យោធា, អាជីវកម្ម, និងពុទ្ធបរិស័ទ ... ហើយទីតាំងវេចនំគឺនៅក្នុងអាគាកិច្ចការរដ្ឋ, ទីលានតំបន់បណ្តាភូមិជនជាតិភាគតិចទី II និងទី III, ព្រមទាំងទីលានអាគាជនជាតិ Thái, Mường និងភូមិវប្បធម៍ - ទេសចរណ៍បណ្តាជន ជាតិភាគតិចវៀតណាមស្ថិតនៅតំបន់ទេសចរណ៌ Đồng Mô​ ទីរួមខេត្ត Sơn Tây នៃទីក្រុង Hà Nội។

តាមការគ្រោងទុក គណៈកម្មាធិការរៀបចំកម្មវិធីនឹងត្រៀមអំណោយចំនួន ១.០០០ថង់ (ដោយ អំណោយនិមួយរួមមាន នំអន្សមជ្រុងមួយគូ ដំណាប់មួយប្រអប់ អង្កចំនួន ៥ គីឡូក្រាម, នំ, បង្អែម, សម្លៀកបំពាក់ និងសៀវភៅ, ... )គឺអាស្រ័យទៅលើលទ្ធផលនៃការជួយឧបត្ថម្ភ, អ្នក ដែលត្រូវបានទទួលអំណោយពីកម្មវិធីនេះរួមមាន ប្រជាជនក្រីក្រ ជនជាតិភាគតិច តំបន់ឆ្ងាយ ដាច់ស្រយាល ប្រជាជនជួបការលំបាកដោយគ្រោះមហន្តរាយ និងទឹកជំនន់ ... ដែលស្ថិតក្នុង ៤ ខេត្ត គឺខេត្ត Điện Biên, ខេត្ត Hà Tĩnh, ខេត្ត Quảng Bình និងខេត្ត Quảng Trị ។

 

ប្រែសម្រួលដោយក្រុមចងក្រងភាសាខ្មែនៃស្ថានីយ៌វិទ្យុះផ្សាយសម្លេងប្រជាជនទីក្រុងហូជីមិញ