Chương trình phát thanh tiếng Khmer-14/01/2017

Baûn tin thöù bảy, ngaøy 14/01/2017

ព័ត៍មានថ្ងៃសៅរ៌ ទី ១៤​ខែមករា ឆ្នាំ ២០១៧

 

១.មិនឡើងថ្លៃថ្នាំពេទ្យក្នុងរយៈពេលអំណរឆ្នាំថ្មី 

តំណាងរបស់នាយកដ្ឋានគ្រប់គ្រងឱសថ នៃក្រសួងសុខាភិបាល បានផ្ញើលិខិតជូនដល់បណ្តាមន្ទីរសុខាភិបាលប្រចាំទីក្រុង ខេត្ត និងមន្ទីរពេទ្យនានា ក្នុងទូទាំងប្រទេស និងអគ្គក្រុមហ៊ុនផលិតថ្នាំពេទ្យ បណ្តាក្រុមហ៊ុននាំចូលឱសថពីបរទេស ត្រូវឡើងផែនការស្តុកទុកថ្នាំពេទ្យ និងដំណើរការផែនការនេះ ប្រយោជន៍ដើម្បី ធានាផ្គត់ផ្គង់ថ្នាំពេទ្យឱ្យគ្រប់គ្រាន់ មិនបណ្តោយឱ្យកើតមានស្ថានភាពខ្វះថ្នាំពេទ្យ សម្រាប់កិច្ចការពិនិត្យនិងព្យាបាលជំងឺជូនប្រជាជន ក្នុងរយៈពេលអំណរបុណ្យចូលឆ្នាំថ្មីខាងមុខនេះ ។ ត្រូវយកចិត្តទុកដាក់ និងផ្គត់ផ្គង់ថ្នាំសម្រាប់ពេលសង្គ្រោះបន្ទាន់ឱ្យបានគ្រប់គ្រាន់ និងមានថ្នាំគ្រប់គ្រាន់សម្រាប់ការពារពីជំងឺអាសន្នរោគ ជំងឺឆ្លង ពិសេសគឺជំងឺប្រភេទ A H5N1 ជំងឺមាត់ដៃជើង ជំងឺគ្រុនឈាម ជំងឺកញ្ជ្រិល ជំងឺ Rubella បណ្តាជំងឺឆ្លងតាមរយៈផ្លូវរំលាយអាហារ និងជំងឺមួយចំនួនទៀត ដែលអាចផ្ទុះឡើងក្នុងរយៈពេលចូលឆ្នាំ ។ ទន្ទឹមនឹងនេះ នាយកដ្ឋានគ្រប់គ្រងឱសថ ក៏ធ្វើការណែនាំដល់បណ្តាមន្ទីរពេទ្យ បណ្តាក្រុមហ៊ុនធ្វើអាជីវកម្មលក់ដូរថ្នាំពេទ្យ និងបណ្តាអាជីវករលក់ថ្នាំព្យាបាលជំងឺ ត្រូវស្តុកទុកថ្នាំឱ្យបានគ្រប់គ្រាន់ មានវិធានការគ្រប់គ្រងឱ្យបានល្អ ដើម្បីកុំឱ្យថ្លៃថ្នាំឡើងថ្លៃក្នុងរយៈពេលអំណរឆ្នាំថ្មី ។

 

២.ខេត្តដុងណាយបានប្រកាសអំពីជំងឺថ្នាក់ឃុំ 

បន្ទាប់ពីពេលរកឃើញ 4 នាក់ មានផ្ទុកវីរុសនៃជំងឺ Zika ក្នុងខ្លួន ហើយមនុស្សទាំងនេះ សុទ្ធតែបានរស់នៅក្នុងឃុំ Vĩnh Thanh ស្រុក Vĩnh Cửu នៃខេត្ត Đồng Nai គឺគណៈបង្គាប់ការប្រឆាំងនិងបង្ក្រាបជំងឺឆ្លងប្រចាំខេត្ត Đồng Nai បានសម្រេចប្រកាសជំងឺឆ្លងនៅឃុំៗទាំង 4 នេះហើយ ។ យោងទិន្នន័យរបស់មជ្ឈមណ្ឌលបង្ការរោគប្រចាំខេត្ត Đồng Nai បានដឹងថា ៖ គិតមកដល់ថ្ងៃទី 9 ខែមករា ក្នុងទូទាំងខេត្ត មាន 6 នាក់ មាននផ្ទុកវីរុសនៃជំងឺ Zika ក្នុងខ្លួន ក្នុងនោះ ឃុំ Vĩnh Thạnh មានដល់ទៅ 4 នាក់ ហើយអ្នកជំងឺកើតជំងឺនេះនៅឃុំ Vĩnh Thạnh អាចមានចំនួនច្រើនជាងចំនួនគេរកឃើញ ដោយមូលហេតុថា ៖ បណ្តាសញ្ញានៃជំងឺនេះ គឺពុំបង្ហាញច្បាស់ៗនោះទេ បានជាគេមើលងាយពុំទៅពិនិត្យឈាម ធ្វើឱ្យស្ថាប័នពេទ្យ ពិបាកក្នុងការកំណត់មនុស្សមានផ្ទុកវីរុសយ៉ាងច្បាស់លាស់ ។ មានតែស្ត្រីមានគភ៌ ដោយសារពួកគាត់ភ័យខ្លាចអំពីវីរុសនៃជំងឺ Zika ទើបទៅពេទ្យធ្វើតេស្ត រួចក៏រកឃើញវីរុសមានផ្ទុកក្នុងខ្លួនពួកគាត់តែម្តង ។

 

 

 

 

 

 

៣.ឈប់ឱ្យលក់ថ្នាំ ដាស៊ីន ព្រតាសេ 

នាយកដ្ឋានគ្រប់គ្រងឱសថ នៃក្រសួងសុខាភិបាល បានផ្ញើលិខិតជូនដល់បណ្តាមន្ទីរសុខាភិបាលខេត្ត ក្រុង ក្នុងទូទាំងប្រទេស ដើម្បីជូនដំណឹងអំពីការ ឈប់ឱ្យលក់ថ្នាំ Daeshin Protase ដែលផលិតដោយក្រុមហ៊ុនមួយនៅប្រទេសកូរ៉េខាងត្បូង និងនាំចូលដោយក្រុមហ៊ុននីហរ័ណ-អាហរ័ណថ្នាំពេទ្យវៀតណាម ។ បានដឹងថា ថ្នាំប្រភេនេះ ត្រូវបានលោកគ្រូពេទ្យបញ្ជាឱ្យផឹកដើម្បីព្យាបាលពីជំងឺហើមស្ពុល មុខរបួសហើមខ្លាំង ថ្នាំនេះក៏អាចត្រូវបានប្រើប្រាស់ដើម្បីព្យាបាលជំងឺខាងផ្លូវដកដង្ហើមដូចជា ៖ ជំងឺរលាកបំពង់ក រលាកបំពង់សម្លេង រលាករន្ធច្រមុះ និងរលាកសួតជាដើម ។ ទន្ទឹមនឹងនេះ នាយកដ្ឋានគ្រប់គ្រងឱសថ ក៏ស្នើរឱ្យក្រុមហ៊ុននាំចូលថ្នាំរបស់ប្រទេសវៀតណាម ត្រូវសហការជាមួយក្រុមហ៊ុនផលិតថ្នាំ ដើម្បីផ្ញើលិខិតជូនដល់គ្រប់អង្គភាពបានទិញថ្នាំនេះ និងមានវិធានការប្រមូលថ្នាំដែលកំពុងចរាចរណ៍នៅលើទីផ្សារ និងរៀបចំកិច្ចការប្រមូលថ្នាំនេះឱ្យអស់ពីទីផ្សារ មកពីថ្នាំ Daeshin Protase នេះ មានគុណភាពមិនល្អ អាចប៉ះពាល់ដល់សុខភាពរបស់អ្នកជំងឺ ។

 

 

៤.ពិភពលោកខាតបង់ប្រាក់ជាងមួយពាន់លានដុល្លារសហរដ្ឋអាមេរិកក្នុងមួយឆ្នាំមកពីផ្សែងបារី 

ការជក់បារី ធ្វើឱ្យពិភពលោកខាតបង់ប្រាក់កាសជាង 1.000 លាន USD ក្នុងមួយឆ្នាំ ។ នេះជាលទ្ធផលនៃកិច្ចការស្រាវជ្រាវរបស់អង្គការសុខាភិបាលពិភពលោក និងរបស់មន្ទីរពេទ្យជំងឺមហារីកនៅសហរដ្ឋអាមេរិក ។ ហើយអង្គការសុខាភិបាលពិភពលោក ក៏បង្ហាញនូវឯកសារបញ្ជាក់ថា ៖ ក្នុងឆ្នាំ 2013 និងឆ្នាំ 2014 ចំណាយសម្រាប់ព្យាបាលបណ្តាជំងឺទាក់ទិនដល់ផ្សែងបារី គឺឡើងដល់ចំនួន 269.000 លាន USD គឺខ្ពស់ជាងប្រាក់ចំណេញដែលបណ្តាក្រុមហ៊ុនផលិតបារីទទួលបាន ។ ហើយនេះក៏ជាមូលហេតុធ្វើឱ្យមនុស្សចំនួន 6 លាននាក់ត្រូវស្លាប់ក្នុងមួយឆ្នាំ ហើយអាចកើនឡើងជាង 8 លាននាក់នៅឆ្នាំ 2030 ឯណោះ ដោយមនុស្សស្លាប់ភាគច្រើនគឺនៅបណ្តាប្រទេសកំពុងអភិវឌ្ឍន៍ ដោយអាត្រាប្រមាណ 80% ។ លទ្ធផលនៃកិច្ចការស្រាវជ្រាវក៏បង្ហាញឱ្យឃើញថា ៖ ហិនហោចមកពីផ្សែងបារី នឹងបន្តកើនឡើង ទោះជារដ្ឋាភិបាលនៃប្រទេសជាច្រើន បានខិតខំព្យាយាមបង្ក្រាបក៏ដោយ ហើយក្រុមស្រាវជ្រាវ ក៏ដាក់ចេញនូវដំណោះស្រាយ ដើម្បីបន្ថយគ្រោះថ្នាក់ពីផ្សែងបារីដូចជា ៖ វាយពន្ធខ្លាំងចំពោះការលក់ដូរបារី ឡើងថ្លៃបារី ហាមជក់បារីនៅទីសាធារណៈជាដើម ឬហាជក់បារីតែម្តង ។

៥.អ៊ុតសក់ នារពីរីនាក់ត្រូវរលាកកាត់ចោលស្លឹកត្រចៀកមួយួចំណែក និងកាត់ចោលស្បែលក្បាលមួយចំណែក 

ថ្មីៗនេះ មន្ទីរពេទ្យ Trưng Vương នៅទីក្រុងហូជីមិញ បានជូនដំណឹងថា ៖ មាននារីពីរនាក់ បានអ៊ុតសក់ ដោយចំហុយសក់ក្តៅ ធ្វើឱ្យរលាកគល់ត្រចៀក និងស្បែកក្បាលត្រូវក្លាយរោគ ត្រូវកាត់ចោលចំណែកស្បែកខូច ។ លោកស្រី Trần Lê Hồng Ngọc ជាគ្រូពេទ្យនៅមន្ទីរពេទ្យ Trưng Vương បាននិយាយថា ៖ អ្នកជំងឺទីមួយ ពេលចូលពេទ្យព្យាបាលជំងឺ គឺគល់ត្រចៀកម្ខាងរបស់គាត់ ត្រូវរលាកនិងស្អុយរលួយអស់មួយភាគបី ដោយមូលហេតុ អាចប៉ះនឹងសារធាតុគីមីនៅពេលអ៊ុតសក់ ហើយលោកគ្រូពេទ្យ ក៏បានព្យាបាលជូនគាត់ ដោយកាត់ចោលចំណែកត្រចៀកខូចនេះចោល ។ រីឯអ្នកជំងឺទីពីរវិញ គាត់ត្រូវរលាកស្បែកក្បាលដ៏ជ្រៅៗ ហើយលោកគ្រូពេទ្យត្រូវចៀរស្បែកខូចនេះចោល រួចចៀរយកស្បែកល្អនៅភ្លៅ ដើម្បីបង្កប់ជំនួសឱ្យស្បែកនៅក្បាលវិញ ។ ដោយមានមនុស្សពីរនាក់ ត្រូវកើតគ្រោះថ្នាក់ មកពីការអ៊ុតសក់នោះ លោកគ្រូពេទ្យ ក៏បានផ្តល់សំដីថា ៖ នៅពេលជួបប្រទះគ្រោះថ្នាក់នៅម្តុំក្បាល ឬត្រចៀកជាដើម គួរលាងដោយទឹកត្រជាក់ភ្លាមៗ ប្រមាណពី 20 នាទី ដល់ 30 នាទី ដើម្បីជំរះចោលសារធាតុគីមីពុល បន្ទាប់មក សូមជូនជនរងគ្រោះទៅកាន់មន្ទីរពេទ្យ ទើបជាការប្រសើរ ។

 

Bệnh liên cầu khuẩn heo gia tăng vào dịp cuối năm

ជំងឺមេរោគមូលខ្សែនៅសត្វជ្រូកកើនឡើងចុងឆ្នាំ

 

រយៈពេលចុងឆ្នាំ ជាទូទៅចំជារយៈពេលដែលប្រជាជនយើង បានប្រើប្រាស់សាច់សត្វច្រើន ក្នុងនោះច្រើនបំផុតគឺសាច់ជ្រូក ។ ប៉ុន្តែយើងត្រូវប្រយ៉ាត់ប្រយែងឱ្យមែនទែន ពីព្រោះថា ក្នុងសាច់សត្វជ្រូក ពិសេសគឺសាច់សត្វជ្រូកមានជំងឺ គឺតែងតែមានមេរោគដ៏គ្រោះថ្នាក់ម៉្យាង ដែលអ្នកជំនាញហៅថា មេរោគមូលខ្សែ ដែលអាចឆ្លងចូលក្នុងខ្លួនមនុស្សយើង ។

 

        តំណាងរបស់នាយកដ្ឋានបង្ការរោគ នៃក្រសួងសុខាភិបាល បានផ្តល់អនុសាសន៍ថា ៖ ក្នុងរយៈពេលកន្លងទៅ ប្រទេសយើងមានមនុស្សកើតជំងឺមេរោគមូលខ្សែពីសត្វជ្រូកជាបន្តបន្ទាប់ ហើយភាគច្រើន គឺមកពីការពិសាម្ហូប ដែលមិនទាន់ចំអិនត្រឹមត្រូវពីសាច់ជ្រូកឬសត្វទា ។ អាស្រ័យហេតុនេះ តំណាងរបស់នាយកដ្ឋានបង្ការរោគ ក៏ផ្តល់អនុសាសន៍ដល់សហគមន៍ថា ៖ ប្រជាជនដាច់ខាតមិនពិសាសាច់ជ្រូក ឬសាច់ទា ដែលមិនទាន់ឆ្លងការចំអិនត្រឹមត្រូវ កុំពិសាសាច់ជ្រូកដែលមានពណ៌សម្បុរក្រហមខុសពីប្រក្រតី សាច់ជ្រូកមានគ្រាប់ឈាម ឬសាច់ជ្រូកត្រូវហើមខុសពីធម្មតា ។ ចំពោះអ្នកជំងឺវិញ បើមានអាការៈដូចជា ៖ គ្រុនក្តៅខ្លួន ធ្លាប់ឬទាក់ទិនដល់កិច្ចការចិញ្ចឹមសត្វ កាប់សម្លាប់សត្វជ្រូក ឬបរិភោគផលិតផលច្នៃពីសាច់ជ្រូក សូមអ្នកអញ្ជើញមកពិនិត្យជំងឺនៅមន្ទីរពេទ្យ ដើម្បីមានវិធានការព្យាបាលពីជំងឺឱ្យបានត្រឹមត្រូវ និងសមស្រប ។ មនុស្សឆ្លងជំងឺមេរោគមូលខ្សែពីសត្វជ្រូក គឺជាជំងឺឆ្លងដ៏កាចសាហាវ ហើយភាគច្រើនបានឆ្លងពីសត្វទៅមនុស្ស ។ អ្នកជំងឺមានសញ្ញាជំងឺច្រើនប្រភេទខុសៗនឹងគ្នា ប៉ុន្តែច្រើនបំផុតគឺ រលាកស្រោមខួរក្បាល និងក្លាយរោគយ៉ាងខ្លាំងក្លា ។ ជំងឺតែងតែបន្សល់ទុកនូវផលលំបាកដ៏អាក្រក់ អាចប៉ះពាល់ដល់អវៈយវៈខាងក្នុងរបស់មនុស្សយ៉ាងដំណំ និងអាចបណ្តាលឱ្យផ្តាច់ជីវិតតែម្តង ។

លោកវេជ្ជបណ្ឌិត Hồ Đặng Trung Nghĩa បំពេញការងារនៅមន្ទីរពេទ្យត្រូពីក ប្រចាំទីក្រុងហូជីមិញ បានផ្តល់អនុសាសន៍ថា ៖ ក្នុងរយៈពេលអំណរបុណ្យចូលឆ្នាំថ្មី ឬពិធីបុណ្យម្តងៗ ប្រជាជនកុំពិសាឈាមជ្រូកស្រស់ជាដាច់ខាត ហើយសាច់ជ្រូក សាច់ទា ត្រូវចំអិនឱ្យបានត្រឹមត្រូវ ។ ម៉្យាងទៀត បើអ្នកមានស្នាមរលាកនៅស្បែក សូមកុំប៉ះពាល់ជាមួយនឹងសាច់ជ្រូក ពីព្រោះថា មេរោគនៃជំងឺដែលមានក្នុងសាច់ជ្រូក អាចឆ្លងចូលក្នុងខ្លួនមនុស្សតាមរយៈស្នាមរបួសនេះ ។

ដើម្បីការពារកុំឱ្យមេរោគដ៏កាចសាហាវនេះ ឆ្លងចូលក្នុងខ្លួននៅពេលធ្វើសាច់ជ្រូកនោះ សូមអ្នកមុនពេលធ្វើសាច់ជ្រូក កាត់សាច់ជ្រូក ហាន់សាច់ជ្រូក ឬលាងសត្វជ្រូក ត្រូវពាក់ស្រោមដៃការពារ ។ ពិសេស អ្នកកុំពិសាម្ហូបច្នៃពីឈាមស្រស់ដែលគេលក់ស្រាប់ ពីព្រោះថាភាគច្រើនឈាមស្រស់នេះ ជាឈាមរបស់សត្វជ្រូក មិនមែនជាឈាមរបស់សត្វទាទេ អាស្រ័យហេតុនេះ បើពិសាម្ហូបបែបនេះ អ្នកអាចឆ្លងជំងឺក៏អាចមានដែរ ហើយជំងឺផ្កាសាយបក្សី ក៏ឆ្លងពីប្រភពម្ហូបនេះផងដែរ ៕

ប្រែសម្រួលដោយក្រុមចងក្រងភាសាខ្មែរនៃស្ថានីយ៌វិទ្យុះផ្សាយសម្លេងប្រជាជនទីក្រុងហូជីមិញ

 

 

 

VOH

Bình luận

Đọc Báo