Chương trình phát thanh tiếng khmer - 17/12/2016

Baûn tin thöù baûy, ngaøy 17/12/2016

 

ព្យាយាមដើម្បីប្រជាជន ១០០% ទទួលបានសេវាគ្រប់គ្រងនិងតាមដានសុខភាព 

ប្រឈមមុខនឹងស្ថានភាពគុណភាពនៃសេវាសុខាភិបាលរបស់បណ្តាញសុខភាពមូលដ្ឋាន នៅមានកំរិតនៅឡើយ មិនទាន់ឆ្លើយតបតាមតម្រូវការពិនិត្យនិងព្យាបាលជំងឺរបស់ប្រជាជន គឺថ្មីៗនេះ រដ្ឋាភិបាលបានយល់ព្រមចំពោះគំរោងការ កសាងនិងអភិវឌ្ឍន៍បណ្តាញសុខាភិបាល នៅមូលដ្ឋាន ។ គំរោងការនេះ នឹងត្រូវបានដំណើរការចាប់ពីឆ្នាំ 2016 រហូតដល់ឆ្នាំ 2025 ក្នុងគោលបំណង ផ្លាស់ប្តូររបៀបរបបដំណើរការ វិធានការអនុវត្ត ផ្លាស់ប្តូរខាងហិរញ្ញវត្ថុ អភិវឌ្ឍន៍ធនធានមនុស្ស ដើម្បីលើកកំពស់គុណភាពរបស់សេវាសុខាភិបាលនៅមូលដ្ឋាន ធានាផ្គត់ផ្គង់សេវាថែទាំសុខភាពដំបូង ពិនិត្យនិងព្យាបាលជំងឺជូនប្រជាជនក្នុងមូលដ្ឋាន សហការជាមួយបណ្តាមន្ទីរពេទ្យ ដើម្បីបន្ថយចំនួនអ្នកជំងឺ ហូរចូលមន្ទីរពេទ្យធំៗ ។ ដើម្បីទទួលបានគោលដៅទាំងនេះ យើងនឹងរៀបចំក្នុងទូទាំងប្រទេស នូវរូបភាពគំរូសុខាភិបាលប្រចាំស្រុក ខណ្ឌ ទីរួមខេត្ត ទីក្រុង ត្រូវមានសេវាពេទ្យឱ្យបានគ្រប់គ្រាន់ គិលានដ្ឋាននានា ត្រូវអនុវត្តឱ្យបានល្អនូវកិច្ចការពិនិត្យជំងឺ និងព្យាបាលជំងឺដំបូង, អនុវត្តកិច្ចការគ្រប់គ្រងសុខភាពយ៉ាងគ្រប់ជ្រុងជ្រោយ និងបន្តបន្ទាប់ជូនប្រជាជន ពិសេសគឺចំពោះកុមារនិងមនុស្សចាស់ជរា ។

 

តាមដានកិច្ចការប្រើប្រាស់ថ្នាំអង់ទីប៊ីយ៉ូទីក ជួយបន្ថយចំណាយព្យាបាលជូនអ្នកជំងឺ 

កម្មវិធីតាមដានការប្រើប្រាស់ថ្នាំអង់ទីប៊ីយ៉ូទីក នៅមន្ទីរពេទ្យ Chợ Rẫy ទើបបានក្រុមប្រឹក្សា វិទ្យាសាស្ត្របច្ចេកទេសរបស់មន្ទីរពេទ្យវាយតម្លៃថា មានប្រសិទ្ធិភាព ហើយក៏បានសម្រេច ជ្រើសរើសកម្មវិធីនេះ ដើម្បីចូលរួមក្នុងពិធី ប្រណាំងប្រជែង ទទួលពានរង្វាន់ ខាងគុណភាពពិនិត្យជំងឺ និងព្យាបាលជំងឺ របស់វិស័យសុខាភិបាល ប្រចាំឆ្នាំ 2016 ។ កម្មវិធីនេះ ត្រូវបានដំណើរការចាប់ពីខែមករា ឆ្នាំ 2014 រហូតដល់ខែមិថុនា ឆ្នាំ 2016 ហើយលទ្ធផលទទួលបាន គឺបានរួមចំណែកក្នុងការទប់ទល់នឹងស្ថានភាពស៊ាំនឹងថ្នាំអង់ទីប៊ីយ៉ូទីក ហើយចំនួនថ្នាំអង់ទីប៊ីយ៉ូទីកប្រើប្រាស់នៅក្នុងមន្ទីរពេទ្យក៏ថមថយចំនួនចុះ ពិសេស ថវិកាសម្រាប់ទ្រទ្រង់ទិញថ្នាំអង់ទីប៊ីយ៉ូទីកក៏ថយចុះផងដែរ ។

ការស៊ាំនឹងថ្នាំអង់ទីប៊ីយ៉ូទីក កំពុងជាបញ្ហាចោទទូទាំងពិភពលោក ពិសេសគឺនៅបណ្តាប្រទេសកំពុងអភិវឌ្ឍន៍ ដោយត្រូវចំណាយថវិកាច្រើន ជាក់ស្តែងគឺ ចំណាយទិញថ្នាំអង់ទីប៊ីយ៉ូទីកជំនាន់ថ្មី ជំនួសឱ្យថ្នាំជំនាន់ចាស់ ហើយថ្មាំជំនាន់ថ្មីៗ គឺមានតម្លៃខ្ពស់ជាងថ្នាំប្រភេទចាស់ច្រើនណាស់ ។ ប្រឈមមុខនឹងស្ថានភាពបែបនេះ កម្មវិធីតាមដានប្រើប្រាស់ថ្នាំអង់ទីប៊ីយ៉ូទីកនៅមន្ទីរពេទ្យ Chợ Rẫy ក៏បន្ធូរបន្ថយស្ថានភាពប្រើប្រាស់ថ្នាំមិនសមស្រប បន្ថយចំនួនថ្នាំប្រើ បន្ថយការស៊ាំនឹងថ្នាំ ពិសេស បានបន្ថយថវិកាជូនអ្នកជំនឺ ។

 

ពិសាទឹកដោះគោជូរ ជួយអ្នកជំងឺអាល់យីមើចងចាំល្អជាង 

ស្នាដៃមួយដែលបានចុះផ្សាយក្នុងកាសែត Daily Mail បានបង្ហាញថា ៖ ពិសាទឹកដោះគោជូរ អាចជួយស្តារភាពចងចាំរបស់អ្នកជំងឺអាល់យីមើ ។ ពិសាទឹកដោះគោជូរ គឺបានបញ្ចូលបរាសិតល្អ ចូលក្នុងរាងកាយ ជួយកែសុខភាព ពិសេសគឺអ្នកជំងឺមានជំងឺអាល់យីមើ ដែលមានអាយុពី 60ឆ្នាំ រហូយដល់ 95 ឆ្នាំ និងផលប្រយោជន៍មួយចំនួនទៀត ។ លោកសាស្ត្រាចារ្យ Mahmoud Salami ជាអ្នកស្រាវជ្រាវរបស់ស្នាដៃនេះ បាននិយាយថា ៖ ក្នុងការស្រាវជ្រាវតាំងពីមុនៗ យើងខ្ញុំក៏រកឃើញថា បំពេញបន្ថែមសារធាតុមានក្នុងទឹកដោះគោជូរ នឹងជួយការចងចាំនៅមនុស្សមានជំងឺអាល់យីមើ ហើយអ្នកវិទ្យាសាស្ត្រក៏ធ្វើការសិក្សាស្រាវជ្រាវ ដើម្បីរកឃើញរូបមន្តធ្វើសកម្មភាពរបស់សារធាតុមានក្នុងទឹកដោះគោជូរ មានផលប្រយោជន៍ ដល់ផ្លូវរំលាយអាហារនិងសុខភាពរបស់មនុស្ស ។

 

ខេត្តក្វាងង៉ាយ ទប់ស្កាត់ជំងឺអាសន្នរោគក្រោយពេលទឹកជំនន់ជោរជន់ 

ក្រោយរយៈពេលច្រើនថ្ងៃត្រូវលិចក្នុងទឹកជំនន់ ក្តីបារម្ភខ្លាំងបំផុតរបស់ប្រជាជនក្នុងខេត្ត គឺបញ្ហាទឹកស្អាត បរិស្ថាន និងជំងឺ ។ ទឹកជំនន់កន្លងទៅ បានពន្លិចផ្ទះប្រជាជនអស់ជាង 1.500 ខ្នង ហើយអណ្តូងទឹករបស់ប្រជាជនរាប់ពាន់គ្រឿង ក៏ត្រូវពន្លិចក្នុងទឹកជំនន់ ធ្វើឱ្យទឹកក្នុងអណ្តូង ត្រូវកខ្វក់ ប្រើលែងកើត ។ លោក Nguyễn Tấn Đức ជានាយកមន្ទីរសុខាភិបាលប្រចាំខេត្ត Quảng Ngãi បាននិយាយថា ៖ ក្រោយពេលទឹកជំនន់ស្រក ផ្នែកសុខាភិបាលរបស់ខេត្ត Quảng Ngãi បានណែនាំដល់កម្មាភិបាលប្រចាំភូមិ-ឃុំ ត្រូវតាមដានស្ថានភាពនៅមូលដ្ឋាន ពិសេសគឺនៅតំបន់រងនឹងទឹកជំនន់ខ្លាំង ដើម្បីណែនាំប្រជាជនដោះស្រាយបញ្ហាទឹកស្អាត ។ ក្នុងរយៈពេលខាងមុខ នៅពេលដែលទឹកស្រកអស់ គឺផ្នែកសុខាភិបាលប្រចាំមូលដ្ឋាន ត្រូវសហការជាមួយប្រជាជន ដើម្បីបាញ់ថ្នាំរំងាប់មេរោគ ធានាប្រជាជនមិនកើតជំងឺខាងភ្នែក ជំងឺខាងរំលាយអាហារ និងជំងឺខាងសើស្បែក ។

 

រឹបអុសគ្រឿងសម្អាងកាយ៤ប្រភេទនាំចូលពីបរទេស ដែលផ្លាកចែងទិន្នន័យមិនត្រឹមត្រូវ 

នាយកដ្ឋានគ្រប់គ្រងគ្រឿងឱសថ នៃក្រសួងសុខាភិបាល ថ្មីៗនេះ បានសម្រេចដកហូត លិខិតប្រកាស អំពីគុណភាពផលិតផលគ្រឿងសម្អាងកាយចំនួន 4 ប្រភេទ ដែលផលិតដោយ ក្រុមហ៊ុន K.K Export (India) និងនាំចូលដោយក្រុមហ៊ុនភាគហ៊ុនសម្ភារៈពេទ្យ Miteco មាអាស័យដ្ឋានផ្ទះលេខ 187 ផ្លូវ Nguyễn Văn Cừ សង្កាត់ Ngọc Lâm ខណ្ឌ Long Biên ទីក្រុង Hà Nội ។ លោក Đỗ Văn Đông ជាអនុប្រធាន នាយកដ្ឋានគ្រប់គ្រងគ្រឿងឱសថ បាននិយាយថា ៖ គ្រឿងសម្អាងកាយទាំង៤ប្រភេទ ដែលត្រូវបានសមត្ថកិច្ចរឹបអុសឃាត់ទុកនោះ មានមូលហេតុមកពីនៅលើសំបកផលិតផល បានចែងមិនដូចនឹងខ្លឹមសារដែលក្រុមហ៊ុននេះ ធ្វើលិខិតប្រកាសផលិតផល ចុះឈ្មោះដោយក្រសួងសុខាភិបាល ។ ទន្ទឹមនឹងនេះ នាយកដ្ឋានគ្រប់គ្រងគ្រឿងឱសថ ក៏បានស្នើរឱ្យក្រុមហ៊ុនសម្ភារៈពេទ្យ Miteco ត្រូវផ្ញើលិខិតដកហូតផលិតផលទាំងនេះ ឱ្យអស់ពីហាងលក់ផលិតផលនានា នឹងរាយការណ៍ជូននាយកដ្ឋានគ្រប់គ្រងគ្រឿងឱសថ ហើយនាយកដ្ឋានក៏ផ្ញើលិខិតជូនដំណឹង ជូនដល់បណ្តាមន្ទីរសុខាភិបាលក្នុងទូទាំងប្រទេស ដើម្បីរៀបចំកិច្ចការរឹបអុសនិងដកហូត ចំពោះផលិតផលគ្រឿងសម្អាងកាយទាំង៤មុខនេះ ឱ្យអស់ក្នុងភូមិសាស្ត្ររបស់ខ្លួន ហើយត្រូវចាត់ចែងបុគ្គលិកឱ្យបានគ្រប់គ្រាន់ ដើម្បីពិនិត្យតាមដានចំពោះសេចក្តីជូនដំណឹងនេះ ។

 

Tiếp xúc với nhiều hóa chất độc hại có thể sẩy thai

ប៉ះពាល់នឹងសារធាតិគីមីពុលអាចធ្វើរលូតកូនក្នុងផ្ទៃ

        ក្នុងរយៈពេលមានផ្ទៃពោះ បើស្ត្រីពិសាអាហារដែលមានជាតិគីមីពុលជាប្រចាំ ឬប្រើប្រាស់គ្រឿង សម្អាងកាយមានគុណភាពអន់ ឬមានជាតិគីមីពុល អាចធ្វើឱ្យគាត់រលូតកូន ឬធ្វើឱ្យកូនកើតមក មានបញ្ហាខាងសុខភាព

ថ្លែងសុន្ទរកថាក្នុងពិធីសិក្ខាសាលាស្តីអំពី ផលប៉ះពាល់អាក្រក់របស់សារធាតុគីមីពុល ចំពោះសុខភាពរបស់គភ៌និងស្ត្រី, លោកស្រី Huỳnh Nguyễn Khánh Trang ជាប្រធានផ្នែកសម្ភព នៃមន្ទីរពេទ្យ Hùng Vương នៅទីក្រុងហូជីមិញ និងជាសអនុប្រធាន នៃវិជ្ជាពេទ្យសម្ភព របស់មហាវិទ្យាល័យ Phạm Ngọc Thạch បានមានប្រសាសន៍ថា ៖ មានមូលហេតុចំនួន 7 ក្រុម ត្រូវបានអ្នកជំនាញកំណត់ថា នឹងនាំមករលូតកូន ក្នុងនោះ មានមូលហេតុមកពីការប៉ះពាល់ជាមួយនឹងសារធាតុគីមីពុល ដែលវត្តមានក្នុងគ្រឿងឧបភោគបរិភោគប្រចាំថ្ងៃ ឬបណ្តាផលិតផលជាគ្រឿងសម្អាងកាយ និងមកពីបរិស្ថានត្រូវកខ្វក់ ។

ក្នុងចំណោមសារធាតុគីមីពុល មានសារធាតុគ្រោះថ្នាក់ម៉្យាងមានឈ្មោះហៅថា Coumarin ជាសារធាតុពុល ដែលអ្នកជំនាញធ្លាប់អះអាងថា បានប៉ះពាល់ខ្លាំងដល់សុខភាពរបស់ស្ត្រីមានគភ៌ និងភគ៌ក្នុងផ្ទៃ ។ នេះជាសារធាតុតភ្ជាប់បែបធម្មជាតិ ហើយមានសារធាតុមួយចំនួនដែលបានចំរ៉ាញ់ពី Coumarin ត្រូវបានគេប្រើប្រាស់ដើម្បីផលិតថ្នាំសម្លាប់កណ្តុរ ។ នេះជាសារធាតុ ដែលត្រូវបានស្ថាប័នមានសមត្ថកិច្ច នៃសហរដ្ឋអាមេរិកហាមឃាត់ ដោយសាវាបានប៉ះពាល់ដល់ថ្លើម ប្រព័ន្ធសរសៃប្រសាទ បេះដូងនិងសរសៃឈាម ។

ហើយប្រការគួរឱ្យបារម្ភគឺ ក្នុងរយៈពេលកន្លងទៅ អ្នកជំនាញបំពេញការងារ នៅវិជ្ជាស្ថានស្រាវជ្រាវបារី បានបង្ហាញឱ្យសហគមន៍ថា សារធាតុពុលនេះ មានច្រើនក្នុងបារី ដែលនាំចូលដោយលួចលាក់ ហើយក្រុមហ៊ុនផលិត បានរលាយសារធាតុពុលនេះដោយចេតនា ក្នុងបរិមាណច្រើនៗ ពិសេសគឺក្នុងបារី Jet និងបារី Hero ដែលបាននាំចូលក្នុងប្រទេសយើង ដោយលួចលាក់ រួចត្រូវបានគេដាក់លក់ជាសាធារណៈពេញផ្លូវថ្នល់ ។ ចំពោះគ្រោះថ្នាក់មកពីសារធាតុពុលនេះ គឺនាក់ជក់បានរី ពុំបានដឹងច្បាស់លាស់ ហើយអ្នកមិនជក់បារី តែហិតត្រូវផ្សែងបារីនេះ ក៏កើតជំងឺដូចអ្នកជក់បារីផងដែរ ។

ប្រឈមមុខនឹងស្ថានភាពបែបនេះ ហើយដើម្បីលើកកំពស់កំរិតយល់ដឹង ចំពោះសារធាតុគីមីពុលនេះ ពិសេសគឺចំពោះស្ត្រីមានគភ៌និងកុមារ គឺថ្មីៗនេះ មជ្ឈមណ្ឌលគាំពានារីនិងថែទាំសុខភាពបន្តពូជ នៃសមាគមន៍នារីវៀតណាម បានដំណើរការយុទ្ធនាការ ការពារទប់ទល់នឹងបារី ដើម្បីការពារសុខភាពអ្នកម្តាយនិងកុមារ ហើយកម្មវិធីនេះ នឹងមានរយៈពេលចាប់ពីខែវេច្ឆិកា ឆ្នាំ 2016 រហូតដល់សែឧសភា ឆ្នាំ 2017 ៕

 

 

VOH

Bình luận

Đọc Báo