Baûn tin thöù baûy, ngaøy 31/12/2016

ព័ត៍មានថ្ងៃ សៅរ៌ ទី ៣១ ខែ ធ្នូ ឆ្នាំ ២០១៦

១.ផលិតវ៉ាក់សាំងក្នុងទ្រង់ទ្រាយធំ ៖

ថ្មីៗនេះ លោកនាយករដ្ឋមន្ត្រី បានពិភាក្សាការងារជាមួយបណ្តាក្រសួង ស្តីអំពីកិច្ចការ ផលិតវ៉ាក់សាំងក្នុងប្រទេស ហើយនេះក៏ជាខ្លឹមសារសំខាន់ ស្ថិតក្នុងយុទ្ធសាស្ត្រ អភិវឌ្ឍន៍វិស័យឱសថ របស់ប្រទេសវៀតណាមរហូតដល់ឆ្នាំ 2020 និងផែនការដល់ឆ្នាំ 2030 ។ ឆ្នាំ 2015 បានគូសបញ្ជាក់នូវដំណាក់កាលរីកលូតលាស់ថ្មី ក្នុងវិស័យផលិតវ៉ាក់សាំងរបស់ប្រទេសយើង ដោយអង្គការសុខាភិបាលពិភពលោក បានទទួលស្គាល់ប្រទេសវៀតណាម ជាប្រទេសផលិតបានវ៉ាក់សាំងតាមស្តង់ដារអន្តរជាតិ ស្មើនឹងបណ្តាប្រទេសជឿនលឿនក្នុងវិស័យនេះ ដូចជាប្រទេសកាណាដា សហរដ្ឋអាមេរិក ប្រទេសបារាំង ឬប្រទេសបែលហ្ស៊ីចចាដើម ។  ដោយមានការទទួលស្គាល់ជាផ្លូវការនេះ បានជាប្រទេសវៀតណាម អាចផលិតវ៉ាក់សាំងក្នុងចំនួនច្រើនៗ ដើម្បីនាំចេញលក់នៅបណ្តាប្រទេស ប្រចាំនៅទ្វីបអាហ្វ្រីច និងប្រទេសជាច្រើនទៀត លើទូទាំងសកលលោក ។ ហើយជាក់ស្តែងច្រើនឆ្នាំកន្លងទៅ ប្រទេសវៀតណាម បានផលិតវ៉ាក់សាំងជាច្រើនប្រភេទយ៉ាងជោគជ័យ ដែលមានគុណភាពល្អៗ ។ ចំពោះបញ្ហានេះ លោក Nguyễn Xuân Phúc បានវាយតម្លៃយ៉ាងខ្ពស់ ចំពោះការផលិតវ៉ាក់សាំងក្នុងប្រទេស គឺមានសារៈសំខាន់ដល់សុខភាពរបស់សហគមន៍ និងជីវភាពរស់នៅរបសដ់ប្រជាជន ហើយលោកនាយករដ្ឋមន្ត្រី ក៏ណែនាំថា ៖ ត្រូវផ្តោតទៅលើកិច្ចការស្រាវជ្រាវ ដំណើរការខាងបច្ចេកវិជ្ជាល្អ ដើម្បីផលិតបានវ៉ាក់សាំងក្នុងទ្រង់ទ្រាយធំ ត្រូវមានរោងចក្រផលិតវ៉ាក់សាំងយ៉ាងទំនើបៗ ប្រកបដោយគុណភាពល្អៗ មានប្រសិទ្ធិភាពទាំងផ្នែកសង្គមផង និងទាំងផ្នែកសេដ្ឋកិច្ចផង ដោយធ្វើសកម្មភាពម្ចាស់ការ ពុំមានការជួយជ្រោមជ្រែងរបស់រដ្ឋអំពីថវិកាជាដាច់ខាត ហើយត្រូវដំណើរការតាមយន្តការទីផ្សារសេរី ប្រណាំប្រជែងត្រឹមត្រូវទាំងក្នុងនិងក្រៅប្រទេស ។

 

២.បង្កើត១៦ក្រុមការងារត្រួតពិនិត្យសុវត្ថិភាពគ្រឿងឧបភោគបរិភោគ ៖

លោកបណ្ឌិត Nguyễn Thanh Phong ជាប្រធាននាយកដ្ឋាន សុវត្ថិភាពគ្រឿងឧបភោគបរិភោគ នៃក្រសួងសុខាភិបាល បានឱ្យដឹងថា ៖ ដើម្បីធានាសុវត្ថិភាព ក្នុងរយៈពេលអំណរបុណ្យចូលឆ្នាំខាងមុខនេះ គណៈបង្គាប់ការមជ្ឈឹម ស្តីអំពីសុវត្ថិភាពបគ្រឿងអាហារ បានសម្រេចបង្កើត 6 ក្រុមការងារ ដើម្បីធ្វើការត្រួតពិនិត្យគ្រឿងអាហារ នៅខេត្តទាំង 12 ក្នុងទូទាំងប្រទេស ។ បណ្តាក្រុមការងារ នឹងផ្តោតទៅលើកិច្ចការត្រួតពិនិត្យនៅបណ្តាទីក្រុងធំៗ បណ្តាផ្សាលក់ដុំទំនិញ និងបណ្តាទីតាំងដែលមានផ្ទុកទំនិញច្រើន ។ ក្នុងពេលត្រួតពិនិត្យ បើរកឃើញទង្វើល្មើសនឹងសុវត្ថិភាពគ្រឿងអាហារ គឺជនល្មើសនឹងត្រូវបានផាកវិន័យយ៉ាងតឹងរឹង ប្រយោជន៍ដើម្បីទប់ស្កាត់អំពើបន្លំទំនិញក្លែងក្លាយ  ។

 

៣.សាងសង់៤មជ្ឈមណ្ឌលសុខាភិបាលបច្ចេកទេសខ្ពស់ជំនាញ ៖

ថ្មីៗនេះ នៅឯទីក្រុងហាណូយ មន្ទីរពេទ្យមហារីក E បានរៀបចំពិធីបើកការដ្ឋានសាងសង់ ផ្នែកពិនិត្យនិងព្យាបាលជំងឺថ្មីដ៏ទំនើប និងបង្កើតផ្នែកកុមារទូទៅ ។ ថ្លែងសុន្ទរកថាក្នុងពិធីនេះ លោកស្រី Nguyễn Thị Kim Tiến ជារដ្ឋមន្ត្រីក្រសួងសុខាភិបាល បានវាយតម្លៃយ៉ាងខ្ពស់ ចំពោះការអភិវឌ្ឍន៍ឈានឡើងរបស់មន្ទីរពេទ្យ ក្នុងការដំណើរការបណ្តាបច្ចេកទេសទំនើបៗ លើកកំពស់គុណភាពព្យាបាលជំងឺជូនប្រជាជន ។ ហើយដើម្បីឆ្លើយតបនឹងតម្រូវការពិនិត្យ និងព្យាបាលជំងឹជំនាញដោយបច្ចេកទេសទំនើប គឺក្រសួងសុខាភិបាល បានយល់ព្រមឱ្យមន្ទីរពេទ្យ បង្កើត 4 មជ្ឈមណ្ឌលថ្មីទៀត ដើម្បីកសាងមន្ទីរពេទ្យ E អភិវឌ្ឍន៍ឈានឡើង ក្លាយទៅជាមន្ទីរពេទ្យនាំមុខគេក្នុងវិស័យវះបេះដូង និងវះកាត់ចំពោះបណ្តាករណីពិបាកសាំញ៉ាំ ផ្សេងៗឯទៀត ។

 

 

៤.ខេត្តសុកត្រាំង ដាក់ឱ្យប្រើប្រាស់មន្ទីរពេទ្យពហុព្យាបាលមានគ្រែនាក់ជំងឺចំនួន៧០០គ្រឿង ៖

ថ្មីៗនេះ គណៈកម្មាធិការប្រជាជនខេត្ត Sóc Trăng បានរៀបចំពិធីសម្ពោធដាក់ឱ្យប្រើប្រាស់ មន្ទីរពេទ្យពហុព្យាបាល Sóc Trăng ដែលមានគ្រែអ្នកជំងឺចំនួន 700 គ្រឿង ។ មន្ទីរពេទ្យនេះ ត្រូវបានសាងសង់អស់ថវិកា 823 ពាន់លានដុង ។ មន្ទីរពេទ្យត្រូវបានសាងសង់ ដោយបានបំពាក់ម៉ាស៊ីននិងឧបករណ៍ថ្មីទំនើប ។ នៅក្នុងពិធីនេះ លោក Trần Văn Chuyện ជាលេខារង នៃគណៈកម្មាធិការបក្សខេត្ត Sóc Trăng បានវាយតម្លៃយ៉ាងខ្ពស់ ចំពោះការខិតខំព្យាយាមឈានឡើងរបស់បណ្តាមូលដ្ឋានក្នុងទូទាំងខេត្ត ពិសេសគឺផ្នែកសុខាភិបាល ដើម្បីប្រជាជន ទទួលបានសេវ៉ាពេទ្យ ពីមួយថ្ងៃទៅមួយថ្ងៃ កាន់តែល្អប្រសើរជាងជាលំដាប់ ។

 

៥.ជំងឺមហារីកក្រលៀន បានជួបនៅមនុស្សវ័យក្មេងទៀតហើយ ៖

ជាទូទៅ ជំងឺមហារីកក្រលៀន ភាគច្រើនត្រូវបានកើតឡើងនៅមនុស្សដែលមានអាយុចាប់ពី 56 ឆ្នាំ ដល់ 70 ឆ្នាំ, ប៉ុន្តែថ្មីៗនេះ មន្ទីរពេទ្យមួយចំនួនក្នុងទូទាំងប្រទេស បានជួបប្រទះ និងព្យាបាលជំងឺនេះ ជូនមនុស្សដែលមានអាយុវ័យដ៏ក្មេងៗ ។ ជាក់ស្តែង គឺថ្មីៗនេះ មន្ទីរពេទ្យមហាវិទ្យាល័យវេជ្ជសាស្ត្រ នៅទីក្រុងហូជីមិញ បានទទួលពិនិត្យជំងឺ និងព្យាបាលជំងឺមហារីកក្រលៀន ជូននារីម្នាក់ ដែលនាងទើបមានអាយុ 24 ឆ្នាំតែប៉ុណ្ណោះ ។ បន្ទាប់ពីពេលពិនិត្យជំងឺ ដោយប្រើប្រាស់ម៉ាស៊ីនថ្មីៗទំនើបៗ ទើបវេជ្ជបណ្ឌិតរកឃើញថា នារីនេះត្រូវកើតជំងឺមហារីកក្រលៀន ហើយគាត់ត្រូវវះកាត់ដុំមហារីកចោល ដើម្បីការពារអាយុជីវិតរបស់ខ្លួន ។ បានដឹងថា ជំងឺមហារីកក្រលៀន ជាជំងឺមានអត្រាប្រមាណ 3% នៃជំងឺមហារីកនានារបស់មនុស្សពេញវ័យ ហើយជំងឺនេះ មានចំនួនឈរលំដាប់ទី 7 នៃជំងឺមហាសរីកសរុបនៅបុរស និងឈរលំដាប់ទី 10 ចំពោះនារី ។

 

Thực phẩm màu tím ngăn ngừa ung thư và hỗ trợ giảm cân

អាហារមានពណ៌ស្វាយ មានលទ្ធភាពទប់ទល់នឹងជំងឺមហារីក និងជំនួយក្នុងការបញ្ចុះទម្ងន់នៅមនុស្ស

អ្នកជំនាញខាងគ្រឿងអាហារតែងតែស្នើរសហគមន៍គួរពិសាផ្លែឈើនិងបន្លែនានា ដែលមាន ពណ៌ស្វាយ ឬមានពណ៌សម្បុរចាស់ ដោយសារក្នុងអាហារទាំងនេះ មានផ្ទុកសារធាតុចិញ្ចឹមច្រើន និងសារធាតុប្រឆាំងនឹងអុកស៊ីតកម្ម ដែលល្អប្រសើរចំពោះសុខភាពរបស់មនុស្សខ្លាំងណាស់ ។

យោងតាមខ្លឹមសារនៃកិច្ចការការវាយតម្លៃ របស់អ្នកជំនាញ ក្នុងវិស័យអាហាបំប៉នបានដឹងថា ៖ អាហារដែលមានពណ៌ស្វាយ គឺមានផ្ទុកសារធាតុប្រឆាំងអុកស៊ីកម្ម មានលទ្ធាពទប់ទល់នឹងជំងឺមហារីក ការពារភាពចាស់ជរានៅមនុស្ស និងការពារក្លាយរោគនៅអ្នកជំងឺ ។

បញ្ហាសារធាតុប្រឆាំអុកស៊ីតកម្ម គឺច្រើនឆ្នាំកន្លងទៅ វិស័យនេះ ជាគោលដៅស្រាវជ្រាវដំបូង របស់វិស័យសុខាភិបាល ដោយសារក្នុងផ្លែឈើមានពណ៌ស្វាយ គឺអាចប្រឆាំងនឹងជំងឺមហារីក ការពាភាពចាស់ជរា និងការពារភាពធាត់លើសទម្ងន់នៅមនុស្ស ។ អាស្រ័យហេតុនេះ អ្នកជំនាញជាច្រើននាក់ មានសំណើរថា យើងគួរពិសារផ្លែឈើ ដែលមានពណ៌ស្វាយ ឬពណ៌សម្បុរចាស់ ដោយសារផ្លែឈើទាំងនេះ មានផ្ទុកសារធាតុប្រឆាំងនឹងអុកស៊ីតកម្ម និងសំបូរទៅដោយសារធាតុចិញ្ចឹមល្អៗ ។

នៅឆ្នាំ 2014 លទ្ធផលនៃកិច្ចការស្រាវជ្រាវមួយ របស់មហាវិទ្យាល័យនៅប្រទេសចិន បានបង្ហាញឱ្យឃើញថា ៖ ក្នុងអង្ករខ្មៅ មានផ្ទុកសារធាតុប្រឆាំងនឹងអុកស៊ីតកម្មយ៉ាងច្រើន ដែលអាចទប់ទល់នឹងដុំគីស្ត និងជំងឺមហារីកក្រពេញប្រូស្តាត ។ ពិសេស ដើម្បីការពារពីជំងឺមហារីកពោះវៀន គឺស្នាដៃនៃកិច្ចការស្រាវជ្រាវមួយ របស់មហាវិទ្យាល័យ  Ohio នៃសហរដ្ឋអាមេរិក បានរកឃើញជាតិពណ៌ស្វាយ ដែលមានក្នុងផ្លែពោតខ្មៅ គឺមានលទ្ធភាពទប់ទល់យ៉ាងប្រសិទ្ធិភាពចំពោះជំងឺនេះ ។

ជាទូទៅ មនុស្សយើង បើប៉ះពាល់ជាមួយនឹងកាំរស្មី UVA ឬកាំរស្មី UVB គឺអាចប៉ះពាល់ដល់ស្បែក ធ្វើឱ្យស្បែកបាត់បង់ភាពយឺត រួចក៏កើតស្នាមជ្រីវជ្រួញ ។ ប៉ុន្តែលទ្ធផលនៃកិច្ចការស្រាវរជាវមួយ កាលពីឆ្នាំ 2009 ក៏បានរកឃើញសារធាតុប្រឆាំងអុកស៊ីកម្មក្នុងផ្លែឈើ មានលទ្ធភាពទប់ទល់នឹងការបំផ្លាញរបស់កាំរស្មី UV ចំពោះស្បែក ពិសេស វាអាចពន្យារភាពចាស់ជរារបស់ស្បែកទៀតផង ។

រីឯអ្នកវិទ្យាសាស្ត្រមកពីប្រទេសជប៉ុន បានប្រកាសលទ្ធផលស្រាវជ្រាវនៅឆ្នាំ 2008 ថា ៖ ស្វតកណ្តុរនឹងមិនធាត់លើសទម្ងន់ បើឱ្យវាស៊ីអាហារដែលមានផ្ទុកសារធាតុប្រឆាំងអុកស៊ីកម្ម ។ ហើយមកដល់ឆ្នាំ 2015 លទ្ធផលនៃកិច្ចការស្រាវជ្រាវមួយ ក៏បានបង្ហាញឱ្យឃើញថា សត្វកណ្តុរដែលស៊ីដំឡូងខ្មៅ គឺសត្វកណ្តុរនេះ មិនសូវធាត់ដូចសត្វកណ្តុរផ្សេងៗទេ ។

ពិសេស លទ្ធផលនៃកិច្ចការស្រាវជ្រាវមួយ ដែលបានផ្សាយក្នុងទស្សនាវត្តី Annals of Neurology ថា ៖ សារធាតុប្រឆាំងអុកស៊ីតកម្ម អាចពន្យាភាពចាស់ជរា នៅមនុស្សយ៉ាងប្រសិទ្ធិភាព ។ អ្នកវិទ្យាសាស្ត្របានធ្វើតេស្តចំពោះមនុស្សជាច្រើននាក់ ក្នុងរយៈពេល 16 ឆ្នាំ ហើយលទ្ធផលក៏បានបង្ហាញឱ្យឃើញថា អ្នកដែលពិសារអាហារ មានផ្ទុកសារធាតុប្រឆាំងអុកស៊ីតកម្ម នឹងក្មេងជាងអ្នកដែលមិនពិសាអាហារ គ្មានផ្ទុកសារធាតុប្រឆាំងអុកស៊ីកម្ម ។

លើសពីនេះទៅទៀត សារធាតុប្រឆាំងអុកស៊ីតកម្ម មានលទ្ធភាពការពារបេះដូង និងការពារសរសៃឈាមតូចធំ និងសម្រួលដល់ដំណើររបស់បេះដូងទៀតផង ។

ប្រែសម្រួលដោយក្រុមចងក្រងភាសាខ្មែរនៃស្ថានីយ៌វិទ្យុះផ្សាយសម្លេងប្រជាជនទីក្រុងហូជីមិញ។