Chương trình phát thanh Tiếng Khmer - 09/02/2017

BẢN TIN TRONG NƯỚC THỨ NĂM NGÀY 09/02/2017

ព័ត៌មានក្នុងប្រទេសថ្ងៃព្រហស្បតិ៍ទី ០៩ ខែកុម្ភៈ ឆ្នាំ ២០១៧

១.លោក Nguyễn Phú Trọng ទទួលជួបលោក នាយករដ្ឋមន្រ្តីឡាវ Thongloun Sisoulith

ថ្មីៗនេះ នៅទីស្នាក់ការមជ្ឈឹមបក្ស លោក លោក Nguyễn Phú Trọng ជាអគ្គលេ ខានៃគណៈកម្មាធិបក្សកុម្មុយនិស្តវៀត ណាម បានទទួលជួបលោក Thongloun Sisoulith ជាសមាជិកការិយាល័យនយោបាយ និងជានាយករដ្ឋមន្រ្តីនៃប្រទេស ឡាវនាឱកាសលោក Thongloun Sisoulith អញ្ជើញមកប្រទេសវៀតណាមដើម្បីចូលរួមនិងជាធ្វើជាសហអធិបតីក្នុងកិច្ចប្រជុំលើកទី ៣៩ របស់គណៈកម្មាធិការអន្តររដ្ឋាភិបាលនៃប្រទេសវៀតណាម និងប្រទេសឡាវ។

ក្នុងកិច្ចប្រជុំ លោក Nguyễn Phú Trọng និងលោក Thongloun Sisoulith បានសម្តែងនូវសេចក្តីរីករាយ អំពីទំនាក់ទំ នងសាមគ្គីភាពពិសេស និងសហប្រតិបត្តិការលើគ្រប់វិស័យរវាងប្រទេសវៀតណាមនិងប្រទេសឡាវ ពីមួយថ្ងៃទៅមួយថ្ងៃកាន់ តែបានអភិវឌ្ឍន៍ និងស៊ីជម្រៅ រួមចំណែកសំខាន់ក្នុងបុព្វហេតុកសាងនិងការពារប្រទេសជាតិរបស់ប្រទេសរៀងៗខ្លួន។ ភាគីទាំងពីរបានអំណះអំណាងនឹងរួមគ្នាដើម្បីអភិរក្ស, បំពូន, អភិវឌ្ឍនិងបន្តទៅជំនាន់ក្រោយស្តីអំពីទំនាក់ទំនងសាមគ្គីភាពពិសេសរវាងប្រទេសវៀតណាម និងប្រទេសឡាវ។

២.ក្រោយពេលបុណ្យចូលឆ្នាំថ្មី កម្មករចំនួន 95% បានវិលត្រឡប់មកធ្វើការវិញ

គិតមកដល់ថ្ងៃទី ៦ ខែកុម្ភៈ (ត្រូវនឹងថ្ងៃទី 10 ខែកត្តិក) មានកម្មករប្រមាណជាង 95%បានវិលត្រឡប់មកធ្វើការវិញនៅក្នុងបណ្តារោងចក្រ, សហគ្រាស, និងអាជីវកម្មក្នុងតំបន់កែច្នៃនាំចេញ តំបន់ឧស្សាហកម្មក្នុងភូមិសាស្រ្តទីក្រុងហូជីមិញ។ ហើយនេះគឺជាសញ្ញាល្អសម្រាប់សកម្មភាពផលិតកម្មធ្វើអាជីវកម្មរបស់សហគ្រាសនានាក្នុងឆ្នាំ 2017 នេះ ។

៣.ជាលើកដំបូងប្រទេសវៀតណាមបានប្តូរតម្រងនោមដោយជោគជ័យចំពោះអ្នកជំងឺនារីពីររូប

មន្ទីរពេទ្យ Chợ Rẫy ប្រចាំទីក្រុហូជីមិញ បានឲ្យដឹងថា ថ្មីៗនេះ មន្ទីរពេទ្យនេះបានប្តូរតម្រងនោមដោយជោគជ័យសម្រាប់អ្នកជំងឺជាស្ត្រីពីររូប ដោយវិធីប្តូរតម្រងនោមពីមនុស្សមួយទៅមនុស្សមួយពីអ្នកបរិច្ឆាកនៅរស់។ នោះគឺអ្នកជំងឺ Lê Thị Ánh Hồng(អាយុ 31 ឆ្នាំរស់នៅខេត្ត Kiên Giang) និងអ្នកស្រី Vũ Thị Huề (អាយុ 32 ឆ្នាំរស់នៅខេត្តĐắk Nông) ។

ដូចច្នេះមកដល់ពេលនេះ ការប្តូរតម្រងនោមលើកដំបូងនៅក្នុងប្រទេសវៀតណាមត្រូវបានប្រកាសទទួលបានជោគជ័យហើយ ប្រការនេះនឹងបើកចេញនូវឱកាសសម្រាប់អ្នកដែលមានជំងឺខូចតម្រងនោម និយាយដោយឡែក និងអ្នកខ្សោយសរីរាង្គនិយាយរួម ហើយក៏ជាឱកាស់ដល់ការពង្រីកប្រភពសរីរាង្គដើម្បីបរិច្ឆាកឲ្យអ្នកទទួលទៀតផង។ និងបានគូសបញ្ជាក់នូវជំហានថ្មីក្នុងបច្ចេកទេសប្តូរសរីរាង្គរបស់ប្រទេសវៀតណាម។

. ដំណើរការកម្មវិធីផ្គត់ផ្គង់ទឹកស្អាតសម្រាប់តំបន់ជនបទ

បច្ចុប្បន្ននេះ ខេត្តត្រាវិញកំពុងដំណើរការកម្មវិធីផ្តល់ទឹកស្អាតសម្រាប់តំបន់ជន បទក្នុងឆ្នាំ 2017, ជាមួយគោលដៅផ្តល់ទឹកស្អាតជូនប្រជាជនចំនួន 5.000 ក្រុមគ្រួសារនៅតាមទីជនបទនានាក្នុងខេត្ត ។

លោក Bùi Văn Mừng ជានាយកនៃមជ្ឈមណ្ឌលទឹកស្អាតនិងអនាម័យបរិស្ថានទីជនបទត្រាវិញ បានឱ្យដឹងថា ដើម្បីសម្រេចបាននូវគោលដៅនេះ ខេត្តបានដំ ណើរការ 15 គម្រោងការរួមមាន:  5 គម្រោងការសាងសង់ស្ថានីយផ្គត់ផ្គង់ទឹកប្រើប្រាស់សម្រាប់តំបន់ជនបទនានាដែលខ្វះទឹកស្អាត, 10 គម្រោងការកែលំអរ និងដំឡើងថ្នាក់បណ្តាស្ថានីយ៍ផ្គត់ផ្គង់ទឹក ត្រូវបានសាងសង់ពីមូលនិធិនៃកម្មវិធី 134 របស់រដ្ឋាភិបាល, ជំនួយដំឡើងប្រព័ន្ធបំពង់ទឹកប្រើប្រាស់សម្រាប់ប្រជាជនប្រមាណជិត 5.000 គ្រួសារ, បង្កើនអត្រាក្រុមគ្រួសារប្រជាជននៅតំបន់ទីជនបទក្នុងខេត្តត្រាវិញត្រូវបានប្រើប្រាស់ទឹកស្អាតឡើងដល់ចំនួន 87% ។

ព័ត៌មានអន្តរជាតិ

១.ប្រទេសកូរ៉េខាងជើងប្រកាសនឹងបង្ហោះបន្ថែមផ្កាយរណប

យោងដំណឹងពីកាសែត Rodong Sinmun នៃប្រទេសកូរ៉េខាងជើង បានដឹងថា ទីក្រុងព្យុងយ៉ាងបានប្រកាសថា ខ្លួននឹងបង្ហោះបន្ថែមផ្កាយរណបចូលទៅក្នុងអវ កាសក្នុងឱកាសប្រទេសកូរ៉េខាងជើងអបអរសារទខួប ១ ឆ្នាំនៃថ្ងៃបង្ហោះផ្កាយ រណបមានឈ្មោះ "Kwangmyongsong-4" ចូលទៅក្នុងកន្លងតារាវិថី។

២.បណ្តាប្រទេសសហភាពអឺរ៉ុបទាំង 23 រំលោភលើបទដ្ឋានអឺរ៉ុបស្តីអំពីគុណភាពធាតុអាកាស

ថ្មីៗនេះ គណៈកម្មការអឺរ៉ុប (EC) បានប្រកាសរបាយការណ៍វាយតម្លៃស្ថានភាពអនុវត្តគោលនយោបាយស្តីអំពីបរិស្ថាន, ជាក់ស្តែង មាន 130 ទីក្រុង របស់ 23 ប្រទេសនៃសហភាពអឺរ៉ុប (EU) បានរំលោភលើបទកំណត់ស្តីអំពីគុណភាពធាតុអាកាសរបស់សហភាពនេះ។

របាយការណ៍សារជាថ្មីរបស់សហគមន៍អឺរ៉ុបលើកនេះ បានសម្តែងការព្រួយបារម្ភអំពីស្ថានភាពនៃការ "ជាប់គាំង" ក្នុងការកសាងបណ្តាស្តង់ដារកំណត់ ឆ្លើយតបនឹងកំរិតពិដានតាមច្បាប់អឺរ៉ុបរបស់បណ្តាប្រទេសជាជាសមាជិកនៃសហភាពអឺរ៉ុប។

៣.សហភាពអឺរ៉ុបបន្តដាក់ទណ្ឌកម្មប្រទេសរុស្ស៊ី

យោងដំណឹងពីទីភ្នាក់ងារសារព័ត៌មាន Reuters និងទីភ្នាកងារសារព័ត៌មានវៀតណាម បានដឹងថា នៅក្នុងកិច្ចប្រជុំរបស់រដ្ឋមន្រ្តីក្រសួងការបរទេសនៃបណ្តាប្រ ទេសជាសមាជិកសហភាពអឺរ៉ុប (EU) នៅក្នុងទីក្រុងព្រុចសែលនៃប្រទេសបែល ហ្សិក, សហភាពអឺរ៉ុបបានអះអាងសារជាថ្មីនូវគោលជំហរបន្តដាក់ទណ្ឌកម្មទៅលើប្រទេសសរុស្ស៊ីដែលទាក់ទងនឹងវិបត្តិក្នុងប្រទេសអ៊ុយក្រែន។

ក៏ប៉ុន្តែ លោក P.Xi-i-át-tô ជារដ្ឋមន្រ្តីក្រសួងការបរទេសនៃប្រទេសហុងគ្រី បានឱ្យដឹងថា ការដាក់ទណ្ឌកម្មរបស់សហភាពអឺរ៉ុបទៅលើប្រទេសរុស្ស៊ីបានប៉ះពាល់អវិជ្ជមានទៅលើសេដ្ឋកិច្ចអឺរ៉ុប ហើយលោក P.Xi-i-át-tô ក៏បានអំពាវនាវឱ្យសហភាពអឺរ៉ុបគួពិចារណាឡើងវិញនូវវិធានការដាក់ទណ្ឌកម្មនេះផងដែរ។

ĐBSCL Tăng Tốc Tôm Nuôi Nước Lợ, KVọng Trúng Mùa, Trúng G

 (តំបន់ដីសណ្តរទន្លេគឺវឡុងបង្កើនការចិញ្ចឹមបង្គាទឹកភ្លាវ ដោយសង្ឈឹមនឹងទទួលបានផល និងលក់បានថ្លៃ)

 

ប្រឈមនឹងស្ថានភាពប្រែប្រួលរបស់អាកាសធាតុបណ្តាលឲ្យទឹកសមុទ្រជោជន់, និងទន្រ្ទានចូលក្នុងដីគោក បានបង្កើតជាឱកាសដើម្បីអភិវឌ្ឍន៍ការចិញ្ចឹមបង្គាទឹក ភ្លាវនៅបណ្តាខេត្តតាមឆ្នេរសមុទ្រក្នុងតំបន់ដីសណ្ដទន្លេគឺវឡុង។

ក្នុងនោះរួមមាន ៥ ខេត្តមានប្រៀបខ្លាំងច្រើនដូចជាៈ ខេត្ត Cà Mau, ខេត្ត Bạc Liêu, ខេត្ត Kiên Giang, ខេត្ត Sóc Trăng និងខេត្ត Bến Tre សុទ្ទតែមានគម្រោងការកើនឡើងខ្លាំងអំពីផ្ទៃទឹកចិញ្ចឹមផង និងការប្រលែងកូនពូជផងបើប្រៀបធៀបនឹងឆ្នាំមុន។ ក្នុងរដូវចិញ្ចឹមបង្គានារយៈពេលដើមឆ្នាំថ្មី ដែលជាដំណាក់កាលកសិករនៅស្រុកនានាក្នុងតំបន់ចតុកោណ Long Xuyên និងស្រុក U Minh Thượng នៃខេត្ត Kiên Giang, ស្រុក U Minh Hạ នៃខេត្ត Cà Mau កំពុងមមាញឹកប្រមូលផលស្រូវ សំអាតវាលស្រែ បញ្ចូលទឹកប្រៃដើម្បីទ្រៀមរៀបចំរដូវចិញ្ចឹមថ្មីគឺចិញ្ចឹមតាមរូបភាពគំរូដាំដំណាំស្រូវគួបផ្សំនិងការចិញ្ចឹមបង្គា ។

ថ្នាក់ដឹកនាំខេត្តនានាក៏បានមានលិខិតបង្គាប់ការ ចំពោះរដ្ឋអំណាចមូលដ្ឋាន ឃោសនា ចលនាប្រជាជន មិនចិញ្ចឹមបង្គាបាយក្នុងរូបភាពគំរូនេះ ក្នុងពេលដែលមិនទាន់មានគោលនយោបាយរបស់ក្រសួងកសិកម្មនិងអភិវឌ្ឍន៍ជនបទនោះទេ។ រីឯចំពោះការចិញ្ចឹមបង្គាឧស្សាហកម្មវិញ ពេលណាអាកាសធាតុអំ ណោយផល គុណភាពទឹកល្អ និងធានាបាននូវលក្ខណៈចិញ្ចឹមានកំណត់ទើបប្រលែងកូនពូជបាន ។

ក្នុងប៉ុន្មានថ្ងៃដំបូងនាខែកុម្ភៈនេះ ថ្លៃបង្គាស្រស់នៅតំបន់ដីសណ្តទន្លេគឺវឡុង បានកើនឡើងយ៉ាងខ្លាំងដោយសារបណ្តា រោងចក្រកែច្នៃនាំចេញបង្គាឆាប់ដំ ណើរការឡើងវិញបន្ទាប់ពីរយៈពេលឈប់សម្រាកបុណ្យចូលឆ្នាំថ្មី។ ជាក់ស្តែង នៅតាមបណ្តាតំបន់ចិញ្ចឹមសំខាន់ដូចជា ខេត្ត Kiên Giang, ខេត្ត Cà Mau និងខេត្ត Sóc Trăng...

ដើមឆ្នាំបង្គាស្រស់ឡើងថ្លៃគឺជាសញ្ញាល្អ និងជាការលើកទឹកចិត្តដើម្បីកសិករហ៊ានបណ្តាក់ទុនទិញកូនពូជមកប្រលែងក្នុងរដូវចិញ្ចឹមបង្គាថ្មីដោយក្តីសង្ឈឹមថានឹងបានផលច្រើនព្រមទាំងលក់បានថ្លៃ។ ធាតុកាលនៅដើមរដូវកំពុងអំណោយផល បូករួមជាមួយនឹងការអនុវត្តន៍ទម្រង់ការចិញ្ចឹមពីរដំណាក់កាល និងការអនុវត្តន៍ច្ចេកវិទ្យាខ្ពស់នឹងជួយបង្កើនដង់ស៊ីតេការប្រលែង បង្កើនទិន្នផលបង្គាស្រស់ បំរើតម្រូវការកែច្នៃនាំចេញបង្គារបស់រោងចក្រនានាទៀតផង៕

 

ប្រែសម្រួលដោយក្រុមចងក្រងភាសាខ្មែរនៃស្ថានីយ៌វិទ្យុះផ្សាយសម្លេងប្រជាជនទីក្រុងហូជីមិញ

 

 

 

VOH

Bình luận

Đọc Báo