Bản tin thứ bảy, ngày 18/03/2017

 

វះកាត់ដុំគីស៥ស.មក្នុងខួរក្បាលយ៉ាងជោគជ័យ ៖

តំណាងរបស់មន្ទីរពេទ្យឆ្លងអាស៊ី នៅស្រុកគូជី ទីក្រុងហូជីមិញ បានជូនដំណឹងថា ៖ ថ្មីៗនេះ មន្ទីរពេទ្យ បានវះកាត់ចៀយលដុំគិសទំហំ 5cm ជូនស្ត្រីម្នាក់យ៉ាងជោគជ័យ ។ តាមការនិយាយរបស់សាច់ញាតិអ្នកជំងឺបានដឹងថា ជនរងគ្រោះមានអាយុ 53 ឆ្នាំ រស់នៅឯឃុំ Tân Hội ស្រុក Cai Lậy ខេត្ត Tiền Giang, កាលពីមុននេះកន្លះឆ្នាំ ស្ត្រីរូបនេះ បានកើតឈឺក្បាលយ៉ាងខ្លាំងៗ ទោះជាពិសាថ្នាំក៏ជំងឺមិនថយ ភ្នែកទាំងគូក៏មើលមិនសូវច្បាស់ ហើយជើងទាំងគូចេះតែខ្សោយទៅៗជាលំដាប់ លុះចូលមន្ទីរពេទ្យឆ្លងអាស៊ី ដើម្បីពិនិត្យជំងឺ ហើយឆ្លងតាមរយៈថត MRI លោកគ្រូពេទ្យ ក៏រកឃើញមានដុំគិសដ៏ធំក្នុងខួរក្បាលខាងឆ្វេង បន្ទាប់មក លោកគ្រូពេទ្យនៅមន្ទីរពេទ្យនេះ បានសម្រេចវះកាត់និងចៀយកដុំគិសចេញពីខួរ ហើយមកដល់សព្វថ្ងៃ អ្នកជំងឺបានស្តារសុខភាពឡើងវិញហើយ ភ្នែកក៏មើលឃើញច្បាស់ ជើងទាំងគូក៏ដើរបានធម្មតាដូចកាលមុនកើតជំងឺ ។

ពិនិត្យភ្នែកនិងពិគ្រោះផ្តល់យោបល់ជូនសិស្សជាងបួនម៉ឺននាក់ដោយឥតគិតថ្លៃ ៖

ដើម្បីការពារភ្នែក និងផ្តល់ចំណេះដឹងខាងការពារភ្នែកជូនសិស្សានុសិស្ស ក្រុមហ៊ុន Rohto Mentholatum Việt Nam បានបន្តកម្មវិធី ការពារភ្នែកក្នុងសាលា ឆ្នាំ 2017  ក្រោមប្រធានបទ “ភ្នែកមានសុខភាពល្អ-អនាគតភ្លឺស្វាង” កម្មវិធីនេះ មានការចូលរួមរបស់លោកវេជ្ជបណ្ឌិតផ្នែកចក្ខុ មកពីមន្ទីរពេទ្យ Phương Nam និងមន្ទីរពេទ្យចក្ខុ Hà Nội ហើយលោកគ្រូពេទ្យ និងពិនិត្យភ្នែកជូនសិស្សានុសិស្សប្រមាណ 40.000 នាក់ នៅខេត្តក្រុងមួយចំនួនក្នុងទូទាំងប្រទេសដោយឥតគិតថ្លៃ ។

ថ្មាំថ្មីជួយបន្ថយអត្រាមនុស្សស្លាប់មកពីជំងឺមហារីកគ្រាប់ឈាម ៖

ក្រុមអ្នកវិទ្យាសាស្ត្រនៅមហាវិទ្យាល័យជាតិនៃប្រទេសសឹង្ហបុរី បានស្រោវជ្រាវនិងផលិតសាកល្បងនូវថ្នាំម៉្យាងមានឈ្មោះហៅថា ថ្នាំ ETC-206 ក្រុមអ្នកស្រាវជ្រាវបានអះអាងថា ៖ ថ្នាំប្រភេទនេះ មានលទ្ធភាពបន្ថយអត្រាមនុស្សស្លាប់ មកពីមូលហេតុ ចំនួនគ្រាប់ឈាមក្រហមក្នុងឈាមចុះទាប ហើយប្រើថ្នាំនេះ វាប្រសើរជាងវិធីព្យាបាលដោយប្រើជាតិគីមី ដែលកំពុងអនុវត្តនាបច្ចុប្បន្ន ។ ក្រុមអ្នកស្រាវជ្រាវក៏ឱ្យដឹងបន្ថែមថា ថ្នាំនេះក៏មានលទ្ធភាពបន្ថយផលលំបាកនានា បើប្រើថ្នាំនេះ ជាមួយវិធីព្យាបាលផ្សេងៗ ។ ថ្នាំ ETC-206 មានលទ្ធភាពទប់ទល់នឹងការរីកលូតលាស់ របស់អង់ស៊ីមប្រភេទ Mnk ក្នុងកោសិកាមហារីក អាស្រ័យហេតុនេះ ថ្នាំនេះក៏មានលទ្ធភាព ទប់ទល់នឹងការរីករាលដាល របស់ជំងឺមហារីកផងដែរ ។ បច្ចុប្បន្ននេះ ថ្នាំ ETC-206 កំពុងត្រូវបានប្រើសាកល្បងនៅមនុស្សមានសុខភាពធម្មតាចំនួន 34 នាក់ ហើយលទ្ធផលមកដល់ពេលនេះ គឺបានបង្ហាញឱ្យឃើញថា ខ្លួនមនុស្សអាចទទួលយកថ្នាំនេះតាមរយៈផឹកយ៉ាងល្អ ។ បណ្តាទិន្នន័យទទួលបាន នឹងជួយឱ្យក្រុមអ្នកស្រាវជ្រាវ នឹងធ្វើការវាយតម្លៃចំពោះសុវត្ថិភាពរបស់ថ្នាំ និងប្រសិទ្ធិភាពរបស់ថ្នាំចំពោះខ្លួនមនុស្ស ។ ដំណាក់កាលទីពីររបស់កម្មវិធី គឺថ្នាំនឹងត្រូវបានចាប់ផ្តើមប្រើប្រាស់សម្រាប់អ្នកជំងឺគ្រាប់ឈាម.ស នៅខែសីហាខាងមុខនេះ ។ បានដឹងថា នៅប្រទេសសឹង្ហបុរី ជំងឺមហារីកនៅតែជាជំងឺ ធ្វើឱ្យស្លាប់មនុស្សច្រើនបំផុត ចំនួនមនុស្សស្លាប់មកពីជំងឺមហារីក មានអត្រាប្រមាណ 30% នៃចំនួនមនុស្សស្លាប់សរុបនៅប្រទេសនេះឯណោះ ។

ណែនាំចាក់វ៉ាក់សាំងការពារជំងឺក្អកមាន់នូវស្ត្រីមានគភ៌ ៖

នាយកដ្ឋានបង្ការោគ នៃក្រសួងសុខាភិបាល បានជូនដំណឹងថា ៖ ថ្មីៗនេះ ក្រសួងសុខាភិបាល បានប្រគល់ការងារជូននាយកដ្ឋានគ្រប់គ្រងឱសថ ដើម្បីស្ថាប័ននេះដំណើរការកម្មវិធី ចាក់វ៉ាក់សាំងមានទាំងថ្នាំការពារជំងឺក្អកមាន់ ជូនស្ត្រីមានគភ៌ ជំនួសឱ្យកិច្ចការ ក្នុងដំណាក់កាលមានគភ៌ គ្រាន់តែចាក់វ៉ាក់សាំងតេតាណូសដូចកន្លងទៅ ។ តំណាងរបស់នាយកដ្ឋានបង្ការោគ ក៏បាននិយាយថា ៖ វ៉ាក់សាំងមានថ្នាំការពារជំងឺក្អកមាន់ (លើកលែងតែថ្នាំប្រភេទ 3,4,5,6 ក្នុងមួយ សម្រាប់កុមារ) គឺអាចប្រើបានចំពោះមនុស្ស ដែលមានអាយុចាប់ពី 6 ឆ្នាំ រហូតដល់ 64 ឆ្នាំ ។ ចំពោះស្ត្រីមានគភ៌វិញ អាចចាក់ថ្នាំការពារ នៅដំណាក់កាលគភ៌ក្នុងផ្ទៃ មានអាយុ 20 សប្តាហ៍ ។ ប៉ុន្តែអ្នកជំនាញបានណែនាំថា យកល្អ សូមចាក់វ៉ាក់សាំងការពារមុនពេលមានផ្ទៃពោះ ។ គិតចាប់ពីដើមឆ្នាំ 2017 មកដល់ពេលនេះ បណ្តាមន្ទីរពេទ្យក្នុងទូទាំងប្រទេស បានទទួលព្យាបាលជំងឺក្អកមាន់ឱ្យកុមារបានចំនួន 82 នាក់ ក្នុងចំណោមកុមារទាំងនេះ មានកុមារចំនួន 80% មានអាយុក្រោម 3 ខែ ដែលជាអាយុមិនទាន់បានចាក់ថ្នាំការពារពីជំងឺក្អកមាន់ទេ ។ កិច្ចការចាក់វ៉ាក់សាំងការពារពីជំងឺក្អកមាន់នៅស្ត្រី គឺប្រយោជន៍ដើម្បីលើកកំពស់សមត្ថភាពការពារពីជំងឺនេះជូនកុមារ ពិសេសគឺចំពោះកុមារ ដែលមិនទាន់ដល់អាយុចាក់វ៉ាក់សាំងការពារ ។ បានដឹងថា ក្នុងរយៈពេលពីរខែដើមឆ្នាំ 2017 ក្នុងទូទាំងប្រទេស មានកុមារចំនួន 5 នាក់ ត្រូវស្លាប់ដោយសារជំងឺក្អកមាន់ ហើយនេះក៏ជាចំនួនកុមារស្លាប់ច្រើនបំផុតក្នុងរយៈពេល 10        ឆ្នាំកន្លងទៅ ។

Ra mắt Ban quản lý an toàn thực phẩm TP. HCM

បង្ហាញមុខគណៈកម្មការគ្រប់គ្រងសុវត្ថិភាពគ្រឿងឧបភោគបរិភោគ

ចូលរួមក្នុងពិធី បង្ហាញមុខគណៈកម្មការគ្រប់គ្រងសុវត្ថិភាព គ្រឿងឧបភោគបរិភោគ មានវត្តមានរបស់លោក ឌីញឡាថាំង ជាលេខានៃគណៈកម្មាធិការបក្ស ប្រចាំទីក្រុងហូជីមិញ, លោក រង្វៀនថាញ់ផុង ជាប្រធានគណៈកម្មាធិការប្រជាជន ទីក្រុងហូជីមិញ និងតំណាងជាច្រើនមកពីក្រុមប្រឹក្សាប្រជាជន មកពីក្រសួងកសិកម្មនិងអភិវឌ្ឍន៍ទីជនបទ មកពីក្រសួង ឧស្សាហកម្មនិងពាណិជ្ជកម្ម និងមកពីបណ្តាស្ថាប័ន អង្គភាពមួយចំនួនទៀត

 យោងសេចក្តីសម្រេចចិត្ត គឺគណៈកម្មការគ្រប់គ្រងសុវត្ថិភាពគ្រឿងឧបភោគបរិភោគ ជាស្ថាប័នក្រោមចំណុះរបស់គណៈកម្មាធិការប្រជាជនទីក្រុងហូជីមិញ ស្ថាប័នមានភារកិច្ច ជួយួគណៈកម្មាធិការប្រជាជនទីក្រុងហូជីមិញ ស្តីអំពីកិច្ចការ អនុវត្តច្បាប់សុវតិភាពគ្រឿងឧបភោគបរិភោគក្នុងភូមិសាស្ត្រទីក្រុងហូជីមិញ ហើយរយៈពេលដំណើរការសាកល្បង គឺ 3 ឆ្នាំ ប្រធានស្ថាប័ននេះ គឺលោកស្រីបណ្ឌិត Phạm Khánh Phong Lan ។

នៅក្នុងពិធីនេះ លោក Nguyễn Thành Phong ជាប្រធានគណៈកម្មាធិការ ប្រជាជនទីក្រុងហូជីមិញ ក៏បានបង្ហាញនូវក្តីជឿជាក់ទៅលើស្ថាប័ន នឹងសម្រេចកាតព្វកិច្ចរបស់ខ្លួនដោយជោគជ័យ ពិសេសគឺកិច្ចការធានាសុវត្ថិភាព គ្រឿងឧបភោគបរិភោគនៅក្នុងភូមិសាស្ត្រទីក្រុងហូជីមិញតែម្តង ។ ពីព្រោះថា បញ្ហាសុវត្ថិភាពគ្រឿងឧបភោគបរិភោគ កំពុងជាបញ្ហាចោទដ៏ខ្លាំងរបស់សហគមន៍ បានប៉ះពាល់ផ្ទាល់ដល់សុខភាពរបស់ប្រជាជនគ្រប់រូប ។ លោកប្រធានគណៈកម្មាធិការប្រជាជនទីក្រុងហូជីមិញ ក៏ស្នើរស្ថាប័ន ត្រូវកសាងបណ្តាញដឹកនាំរបស់ស្ថាប័ន ឱ្យស្របតាមតម្រូវការជាក់ស្តែងរបស់សង្គម ត្រូវឡើងផែនការធ្វើសកម្មភាព និងសហការជាមួយថ្នាក់ដឹកនាំប្រចាំទីក្រុងឱ្យបានស្អិតរមួត ។ លោកប្រធានក៏មានប្រសាសន៍ថា ទីក្រុងបានបើកដំណើរការបញ្ហានេះ ច្បាស់ជានឹងជួបលំបាកថ្មីជាច្រើន ប៉ុន្តែកិច្ចការរបស់ស្ថាប័ន នឹងទទួលបានការស្វាគមន៍របស់ប្រជាជនគ្រប់ស្រទាប់វណ្ណៈ អាស្រ័យហេតុនេះ កិច្ចការដ៏ថ្មល្មីំបាំកនេះ នឹងមានភាពងាយរស្រួលខ្លះផងដែរ ។

លោកស្រីប្រធានស្ថាប័ន Phạm Khánh Phong Lan បាននិយាយថា ៖ ក្នុងឆ្នាំ 2017 នេះ ស្ថាប័ននឹងផ្តោតទៅលើការងារសំខាន់ពីរយ៉ាងគឺ ៖ កសាងនិងប្រឆាំង ។ ស្ថាប័ននឹងប្រឆាំងយ៉ាងដាច់ខាតចំណោះអាហារមិនធានាអានាម័យ ដោយឆ្លងតាមរយៈត្រួតពិនិត្យ មានគោលការបច្ចេកទេស និងទឹកចិត្តប្តេជ្ញារាំងស្កាត់ អាហារមិនធានាអនាម័យហូរចូលក្នុងភូមិសាស្ត្រទីក្រុងហូជីមិញ ។ បន្ទាប់មក នឹងកសាងប្រព័ន្ធផ្តល់អាហារអានាម័យ តាមរយៈដាំដុះ ហាងលក់ទំនិញ មានបណ្តាញដើម្បីពិនិត្យប្រភពដើមរបស់ផលិតផល ។ ទន្ទឹមនឹងនេះ ទីក្រុងនឹងអភិវឌ្ឍន៍រូបភាពគំរូ បណ្តាញលក់ដូរអាហារសុវត្ថិភាព បង្កើននិងកែលំអរដ្ឋបាលខាងបែបបទទម្រង់ការ ផ្តល់លិខិតអនុញ្ញាត្ត មិនបង្កភាពលំបាកដល់ប្រជាជននិងក្រុមហ៊ុន ក្នុងគោលបំណង ប្រជាជននឹងមានអារម្មណ៍ទុកចិត្តក្នុងការប្រើប្រាស់អាហារ ។ ហើយលោកស្រីប្រធាន ក៏បង្ហាញនូវវិធានការមួយចំនួន ដើម្បីកសាងរូបភាពគំរូ អាហារលក់ដូរតាមផ្លូវសាធារណៈប្រកបដោយសុវត្ថិភាព, ការពារពុលអាហារក្នុងសួនឧស្សាហកម្ម និងក្នុងសាលារៀនទៀតផង ។