Bản tin thứ hai, ngày 20/03/2017

 

ចិញ្ចឹមសត្វគោយកទឹកដោះនិងយកសាច់មិនទាន់ឆ្លើយតបតម្រូវការក្នុងស្រុក ៖

ក្នុងពិធីតាំងពិព័រណ៍និងផ្សារណាត់ស្តីអំពីសត្វគោយកទឹកដោះនិងសត្វគោយកសាច់ប្រចាំអាស៊ីឆ្នាំ 2017 លោក Hoàng Thanh Vân ជាប្រធាននាយកដ្ឋានកសិកម្ម នៃក្រសួងកសិកម្មនិងអភិវឌ្ឍន៍ទីជនបទវៀតណាម បានមានប្រសាសន៍ថា ៖ ចំពោះវិស័យចិញ្ចឹមសត្វគោយកសាច់ គឺចាប់ពីឆ្នាំ 2013 មកដល់បច្ចុប្បន្ន មានកំណើនពី 2% ដល់ 3% ក្នុងមួយឆ្នាំ ហើយទ្រង់ទ្រាយចិញ្ចឹមសត្វគោយកសាច់ ក៏មានការប្រែប្រួលគួរឱ្យកត់សម្គាល់ ។ ជាក់ស្តែង មុនឆ្នាំ 2014 ទ្រង់ទ្រាយសត្វគោគឺ ក្នុងមួយក្រុមគ្រួសារ បានចិញ្ចឹមសត្វគោពី 10 ក្បាល ដល់ 20 ក្បាល, ប៉ុន្តែមកដល់សព្វថ្ងៃ ទ្រង់ទ្រាយបានកើនឡើង ទន្ទឹមនឹងនេះ មានក្រុមហ៊ុនមួយចំនួន បានចិញ្ចឹមសត្វគោរាប់រយក្បាល ដល់រាប់ម៉ឺនក្បាលឯណោះ ។ ក្នុងរយៈពេល 4 ឆ្នាំកន្លងទៅ នៅប្រទេសវៀតណាម មានសត្វគោយកទឹកដោះប្រមាណ 283.000 ក្បាល, បរិមាណទឹកដោះគោទទួលបានប្រមាណ 800.000 តោន, ឆ្លើយតបតម្រូវការក្នុងស្រុកបានប្រមាណ 36% ។ រីឯសត្វគោចិញ្ចឹមយកសាច់ មានប្រមាណ 5 លាន 2 សែនក្បាល ហើយសាច់សត្វទទួលបានក្នុងមួយឆ្នាំ ប្រមាណ 308.000 តោន ចំនួនសាច់នេះ នៅមិនទាន់ឆ្លើយតបតាមតម្រូវការក្នុងប្រទេសបានគ្រប់គ្រាន់ទេ ។ អាស្រ័យហេតុនេះ ក្នុងរយៈពេលច្រើនឆ្នាំកន្លងទៅ ប្រទេសវៀតណាម បានទិញសត្វគោរស់ពីបរទេស មកចិញ្ចឹមបន្ធាត់ រួចយកទៅកាប់ ដើម្បីបំពេញតម្រូវការក្នុងប្រទេស ។

វៀតណាមចំណាយប្រាក់ជិតពីរលានដុល្លារក្នុងមួយថ្ងៃដើម្បីទិញបន្លែនិងផ្លែឈើពីបរទេស ៖

យោងទិន្នន័យរបស់អគ្គនាយកដ្ឋានគយវៀតណាមបានដឹងថា  ក្នុងរយៈពេលពីរខែដើមឆ្នាំ 2017 ប្រទេសវៀតណាមបានទិញផ្លែឈើនិងនិងបន្លែពីបរទេសជាង 164 លានដុល្លារសហរដ្ឋអាមេរិក ក្នុងនោះ 70% គឺទិញពីប្រទេសចិននិងប្រទេសថៃ ។ ជាក់ស្តែងគឺទិញពីបែទេសថៃចំនួន 82 លាន 6 សែន USD គឺមានអត្រា 50% នៃប្រាក់ទិញផ្លែឈើនិងបន្លែសរុប ។ បន្ទាប់មកគឺប្រទេសចិន មានចំនួន 31 លាន 6 សែន USD, ប្រទេសមីយ៉ាន់ម៉ា 15 លាន USD សហរដ្ឋអាមេរិកជាង 13 លាន USD ។ ប្រទេសវៀតណាម ជាប្រទេសកសិកម្ម ប៉ុន្តែក្នុងរយៈពេលពីរឆ្នាំកន្លងទៅ ប្រទេសយើងបានចំណាយប្រាក់ដ៏ច្រើនសន្ធឹក ដើម្បីទិញបន្លែនិងផ្លែឈើពីបរទេស ពីមុនៗ ក្នុងមួយឆ្នាំ ទិញបន្លែនិងផ្លែឈើប្រមាណតែ 200 លាន USD ឥឡូវនេះ អាចឡើងដល់ចំនួន 1.000 លាន USD ក្នុងមួយឆ្នាំហើយ ។ តាមការគណនារបស់អ្នកជំនាញបានដឹងថា ៖ មានមូលហេតុសំខាន់ពីរយ៉ាង ធ្វើឱ្យប្រជាជនវៀតណាម ចូលចិត្តបន្លែនិងផ្លែឈើនាំចូលពីបរទេស ដោយសារទំនិញរបស់គេមានគុណភាពល្អ និងធានាសុវត្ថិភាពសុខភាព ។ រីឯវិស័យនាំចេញបន្លែនិងផ្លែឈើរបស់ប្រទេសវៀតណាមវិញ តំណាងរបស់អគ្គនាយកដ្ឋានគយ ក៏និយាយថា ៖ ក្នុងរយៈពេលពីរខែកន្លងទៅ ប្រទេសវៀតណាម លក់បន្លែនិងផ្លែឈើទៅកាន់បរទេស បានជាង 421.000 USD ហើយប្រទេសទិញបន្លែនិងផ្លែឈើរបស់ប្រទេសយើងច្រើនបំផុត គឺប្រទេសចិន បន្ទាប់មកគឺប្រទេសជប៉ុន កោះតៃវ៉ាន់ និងប្រទេសកាណាដា ។

 

ថ្ងៃស្រូវអង្ករនៅតំបន់ដីសណ្តរទន្លេគឺវឡុងឡើងថ្លៃ កសិករត្រេកអរខ្លាំង ៖

បច្ចុប្បន្ននេះ ថ្លៃស្រូវអង្ករនៅតំបន់ដីសណ្តរទន្លេគឺវឡុង កំពុងឡើងថ្លៃជាលំដាប់ មកពីផលស្រូវច្រូតកាត់ថ្មីៗ ទទួលបានមិនសូវច្រើន ទន្ទឹមនឹងនេះ មានក្រុមហ៊ុនមួយចំនួន បានប្រមូលទិញអង្ករដើម្បីលក់ទៅកាន់បរទេស ធ្វើឱ្យថ្លៃស្រូវអង្ករចេះតែឡើងថ្លៃជាលំដាប់ រីឯបងប្អូនកសិករមានស្រូវលក់ គឺពួកគាត់ត្រេកអរខ្លាំងណាស់ ។ លោក Nguyễn Văn Tùng ជាកសិករម្នាក់ នៅឯឃុំ Phú Hiệp ស្រុក Tam Nông នៃខេត្ត Đồng Tháp បាននិយាយថា ៖ បងប្អូនកសិករនៅតំបន់នេះ ភាគច្រើនបានដាំដុះស្រូវដំណើប លក់ក្នុងតម្លៃពី 6.000 ដុង ដល់ 6.200 ដុង ក្នុងមួយគីឡូក្រាម ហើយទិន្នផលទទួលបានពី 10 តោន ដល់ 11 តោនក្នុងមួយហិកតា ។ ទន្ទឹមនឹងនេះ ដោយសារបានអនុវត្តបច្ចេកទ្សេថ្មី ចូលក្នុងការបង្កបង្កើនផល ក៏បានជួយឱ្យបងប្អូនកសិករ បន្ថយចំណាយ និងទទួលបានប្រាក់ចំណេញច្រើនជាងមុនៗ ។ ពិសេស មានសហករណ៍ជាច្រើន បានចុះកិច្ចកុងត្រាជាមួយភាគីក្រុមហ៊ុន ហើយក៏លក់ស្រូវបានថ្លៃជាងលក់ទៅឈ្មួញ ពី 200 ដុង ដល់ 700 ដុង ក្នុងមួយគីឡូក្រាមឯណោះ ។ រីឯលោក Nguyễn Trung Tín ជានាយកក្រុមហ៊ុនភាគហ៊ុនកសិកម្ម Phan Minh នៅខេត្ត Kiên Giang ក៏បាននិយាយថា  ថ្លៃស្រូវឡើងថ្លៃដូចបច្ចុប្បន្ន គឺក្រៅពីមូលហេតុដូចជា មានក្រុមហ៊ុនប្រមូលទិញលក់ទៅបរទេស ទិន្នផលផលស្រូវថ្មីៗកន្លងទៅមិនបានច្រើនជាដើម គឺមានមូលហេតុផ្សេងៗទៀតដូចជា បងប្អូនកសិករបានផ្លាស់ប្តូរប្រភេទស្រូវដាំដុះ និងឈ្មួញដឹកស្រូវអង្ករទៅលក់នៅភូមិភាគខាងជើង ក៏រួមចំណែកធ្វើឱ្យថ្លៃស្រូវអង្ករឡើងថ្លៃផងដែរ ។

ថ្ងៃកៅស៊ូជិត៥០លានដុងក្នុងមួយតោន ៈ

តំណាងរបស់សម្ព័ន្ធសហគ្រាកៅស៊ូវៀតណាមបាននិយាយថា ៖ ចាប់ពីត្រីមាសទី 3 នៃឆ្នាំ 2016 មកដល់ពេលនេះ គឺថ្លៃកៅស៊ូក្នុងនិងក្រៅប្រទេស បានឡើងថ្លៃជាលំដាប់ ។ ជាក់ស្តែង ក្នុងអំឡុងពេលដើមខែមិនាឆ្នាំនេះ សម្ព័ន្ធសហគ្រាសកៅស៊ូវៀតណាម បានលក់កៅស៊ូជិត 50 លានដុងក្នុងមួយតោន គឺច្រើនជាងឆ្នាំ 2016 ដោយឆ្នាំទៅ លក់បានតែ 27 លានដុង ក្នុងមួយតែនាតែប៉ុណ្ណោះ ។ ប៉ុន្តែ ថ្លៃកៅស៊ូខ្ពស់បែបនេះ មិនទាន់ធានាថា ថ្លៃអាចរក្សាបានបានក្នុងរយៈពេលយូរទេ អាស្រ័យហេតុនេះ សម្ព័ន្ធសហគ្រាសកៅស៊ូវៀតណាម នៅតែកសាងផែនការតម្លៃកៅស៊ូក្នុងតម្លៃ 29 លានដុងក្នុងមួយួតោន ដើម្បីដំណើរការកិច្ចការរបស់ខ្លួន ហើយតំណាងរបស់ស្ថាប៏ននេះ ក៏ផ្តល់ព័ត៌មានថា ថ្លៃជ័រកៅស៊ូ ថ្លៃឈើកៅស៊ូ និងថ្លៃរបស់ផលិតផលនានាផលិតពីកៅស៊ូ នៅតែមានតម្លៃកើនឡើងជាមិនខាន ។

 

Lối đi nào cho cà phê Việt?

ផ្លូវណាសម្រាប់អភិចឌ្ឍន៍កាហ្វេវៀតណាម?

ស្ថិតក្នុងកម្មវិធី ជំរុញពាណិជ្ជកម្មជាតិ ប្រចាំឆ្នាំ 2017 ដែលត្រូវបានប្រារឰធ្វើឡើង ចាប់ពីថ្ងៃទី 8 ដល់ថ្ងៃទី 12 ខែមានាកន្លងទៅ នៅក្នុងពិធីផ្សារណាត់តាំងពិព័ត៌កាហ្វេ ឆ្នាំ 2017 នៅឯទីក្រុង Buôn Ma Thuột នៃខេត្ត Đak Lak ហើយក៏បានជំរុញទំនាក់ទំនងគ្នា សហប្រតិបត្តិការ រវាងអ្នកដាំដុះកាហ្វេ ក្រុមហ៊ុនកែច្នៃកាហ្វេ ក្រុមហ៊ុនលក់ដូរកាហ្វេ ដើម្បីពង្រីកទីផ្សារនាំចេញ និងជំរុញលក់ដូរផលិតផលកាហ្វេក្នុងស្រុក និងដើម្បីអះអាងអំពីតួនាទីដ៏សំខាន់របស់ប្រទេសវៀតណាម ក្នុងវិស័យកាហ្វេរបស់ពិភពលោក

 តំបន់ខ្ពង់រាបតៃង្វៀន នៃប្រទេសវៀតណាមស មានផលិតផលពិសេសច្រើនមុខ ក្នុងនោះមានកាហ្វេ ដែលល្បីល្បាញទាំងក្នុងនិងក្រៅប្រទេស ហើយនេះក៏ជាផលិតផលនាំចេញមួយមុខ ដ៏សំខាន់របស់ប្រទេសវៀតណាម ។ មកដល់បច្ចុប្បន្ន ផលិតផលកាហ្វេរបស់ប្រទេសវៀតណាម បានលក់ទៅបរទេសជាង 80 ប្រទេស, ឈរលំដាប់ទីពីរនៅលើសកលលោកស្តីអំពីបរិមាណនិងតម្លៃ ។ រីឯចំពោះការហ្វេប្រភេទ Robusta គឺប្រទេសវៀតណាម បាននាំមុខគេ ឈរលំដាប់ថ្នាក់ទីមួយ នៅលើទូទាំងពិភពលោកតែម្តង ។ ប៉ុន្តែវិស័យអភិវឌ្ឍន៍កាហ្វេរបស់ប្រទេសវៀតណាម កំពុងប្រឈមមុខនឹងភាពលំបាកជាច្រើន ពិសេសគឺបញ្ហាដើមកាហ្វេចាស់ជារាជាដើម ។

តាមការប៉ាន់ស្មាន មកដល់ឆ្នាំ 2020 ផ្ទៃដីដាំដុះដើម្បីកាហ្វេជាង 20 ឆ្នាំ អាចឡើងដល់ចំនួន 200.000ha ហើយគុណភាពរបស់កាហ្វេមិនសូវខ្ពស់និងមិនស្ថិរភាព ក៏បានប៉ះពាល់ដល់តម្លៃនៃការនាំចេញ ។ លោក Nguyễn Đỗ Anh Tuấn ជាប្រធានវិជ្ជាស្ថានគោលនយោបាយនិងយុទ្ធសាស្ត្រអភិវឌ្ឍន៍កសិកម្មបាននិយាយថា ៖ បើយើងដាំដុះដើមកាហ្វេតាមលក្ខណៈប្រមូលផ្តុំ នឹងទទួលបានផលខ្ពស់ ។ ចំពោះគ្រាប់កាហ្វេស្តុកទុកក្នុងឃ្លាំង យើងត្រូវកំណត់ពេលវេលាលក់ចេញឱ្យបានសមស្រប កុំស្តុកទុកកាហ្វេក្នុងឃ្លាំងយូរថ្ងៃពេក ។

ចំពោះបញ្ហាចោទ លក់កាហ្វេសុវត្ថិភាពនិងគុណភាពល្អទៅកាន់បរទេស លោកស្រី Đinh Thị Loan ជាប្រធានសមាគមន៍អាជីវករលក់ដូរការហ្វេនៅប្រទេសវៀតណាម បាននិយាយថា ៖ គ្រប់ផ្នែកចាប់ពីកសិដ្ឋានដាំដុះ កែច្នៃ រហូតដល់អ្នកប្រើប្រាស់ យើងត្រូវមានបណ្តាញមួយសមស្រប បច្ចុប្បន្នកាល បណ្តាញនេះកំពុងមានបញ្ហា មិនប្រសិទ្ធិភាព បានជាបើយើងមានផលិតផលល្អ ប៉ុន្តែអ្នកត្រូវការផលិតផលល្អ ក៏ពិបាកក្នុងការទិញបានផលិតផលប្រភេទនេះណាស់ ។

ក្មង្នុឆ្នាំ 2016 ប្រទេសវៀតណាម លក់ការហ្វទៅកាន់បរទេស បានជិត 1 លាន 8 សែនតោន ស្មើនឹងទឹកប្រាក់ជាង 3.300 លាន USD ។ រីឯក្នុងរយៈពេលពីរខែដើមឆ្នាំ 2017 ប្រទេសយើងលក់កាហ្វេទៅកាន់បរទេសបាន 273.000 តោន ស្មើនឹងទឹកប្រាក់ចំនួន 616 លាន USD ។ លោក Nguyễn Nam Hải ជាអនុប្រធានសមាគមន៍កាហ្វេនិងកាកាវវៀតណាម បាននិយាយថា ៖ បើផលិតផលកាហ្វេរបស់យើង បានផលិតតាមស្តង់ដារអន្តរជាតិ ច្បាស់ជានឹងទទួលបានលទ្ធផលច្រើនជាង ។ ប្រទេសវៀតណាម ជាប្រទេសនាំចេញកាហ្វេ ឈរលំដាប់ទីពីរលើទូទាំងពិភពលោក ប៉ុន្តែគុណភាពគ្រាប់ការេហ្វរបស់ប្រទេសវៀតណាម មិនស្ថិរភាព, មូលហេតុមកពី យើងពុំមានស្ថាប័នជំនាញ មានភារកិច្ចខាងណែនាំអ្នកដាំដុះកាហ្វេ អំពីបច្ចេកទេសដាំដុះ ប្រមូលផល រក្សាគ្រាប់កាហ្វេ និងកែច្នៃគ្រាប់កាហ្វ ។

ដោយមានគោលបំណង ចង់បង្កើនគុណភាពរបស់គ្រាប់កាហ្វេវៀតណាម នៅបណ្តាខេត្តដាំដុះកាហ្វេនៅតំបន់ខ្ពង់រាបតៃង្វៀន ក្នុងរយៈពេល 5 ឆ្នាំកន្លងទៅ សម្ព័ន្ធសហគ្រាស Nestle បានផ្គត់ផ្គង់ដើមកាហ្វេមានលទ្ធភាពប្រឆាំងជំងឺ និងផ្តល់គុណភាពឆ្ងាញ់ពិសា បានជាង 15 លានដើម ជូនដល់កសិករជាង 21.000 នាក់ ។ ទន្ទឹមនឹងនេះ ស្ថាប័ននេះក៏រៀបចំបណ្តុះបណ្តាលជាង 3.000 វគ្គ ដើម្បីណែនាំបងប្អូនកសិករ អំពីបច្ចេកទេសដាំដុះ វិធីប្រមូលផលនិងរក្សាគ្រាប់កាហ្វេ ជួយសម្រួលដល់កសិករ ទទួលបានវិញ្ញាប័ណ្ណប័ត្រអន្តរជាតិ ស្តីអំពីគុណភាពរបស់គ្រាប់កាហ្វេ ។ ដោយមានវិញ្ញាប័ណ្ណប័ត្រនេះ ប្រជាជនអាចលក់ផលិតផលកាហ្វេទៅកាន់ទីផ្សារ ក្នុងតម្លៃខ្ពស់ជាងស្តង់ដារមុនៗ ។