BẢN TIN THỨ NĂM NGÀY 23/03/2017

ព័ត៌មានថ្ងៃព្រហស្បតិ៍ ទី ២៣ ខែមីនា ឆ្នាំ ២០១៧

 

១.ឯកអគ្គកុងស៊ុលថ្មីនៃប្រទេសជប៉ុនបានសម្តែងការគួរសមថ្នាក់ដឹកនាំទីក្រុងហូជីមិញ

ថ្មីៗនេះ លោក Nguyễn Thành Phong ជាប្រធានគណៈកម្មាធិការប្រជាជនទីក្រុងហូជីមិញនៃប្រទេសវៀតណាម បានទទួលជួបលោក Kawaue Junichi ជាឯកអគ្គកុងស៊ុលថ្មីនៃប្រទេសជប៉ុនប្រចាំនៅទីក្រុងហូជីមីញ បានអញ្ជើញមក    សម្តែងការគួរសម។

ក្នុងកិច្ចជំនួប លោក Nguyễn Thành Phong បានសម្តែងទំនុកចិត្តថា ជាមួយនឹងតួនាទីជាឯកអគ្គកុងស៊ុលថ្មី លោក Kawaue Junichi នឹងធ្វើជាស្ពានសំខាន់មួយ ក្នុងការជម្រុញទំនាក់ទំនងសហប្រតិបត្តិការរវាងប្រទេសជប៉ុន និងប្រទេស វៀតណាម ក្នុងនោះមានទីក្រុងហូជីមិញ។

រីឯលោក Kawaue Junichi វិញ លោកក៏បានបញ្ជាក់ថា ជាមួយនឹងតួនាទីរបស់ខ្លួន លោកនឹងខិតខំប្រឹងប្រែងឲ្យអស់ពីសមត្ថភាព ដើម្បីបំពូនទំនាក់ទំនងសហប្រតិបត្តិការរវាងប្រទេសជប៉ុន និងប្រទេសវៀតណាមនិយាយរួម និងរវាងទីក្រុង ហូជីមិញនិងប្រទេសជប៉ុននិយាយដោយឡែក។

២. "សម្លៀកបំពាក់រាប់ពាន់ - រាប់លានសេចក្ដីស្រឡាញ់"

ដើម្បីអបអរសាទខួបលើកទី 86 ឆ្នាំនៃទិវាបង្កើតសម្ព័ន្ធយុវជនកុម្មុយនិស្តហូជី   មិញ (ទី 26 ខែមីនា ឆ្នាំ 1931- ទី 26 ខែមីនា ឆ្នាំ 2017), សម្ព័ន្ធសហពន្ធសហករណ៍ពាណិជ្ជកម្មទីក្រុង និងអាគាវប្បធម៌និស្សិតទីក្រុងហូជីមិញបានសហការរៀបចំកម្មវិធី "ជូននិងទទួល"លើកទី 1 ឆ្នាំ 2017 ដោយមានប្រធានបទ "សម្លៀកបំពាក់រាប់ពាន់ - រាប់លានសេចក្ដីស្រឡាញ់" ។

ជាក់ស្តែង នៅក្នុងទីផ្សារទំនើប Sense Market (តំបន់ B នៃសួនឧទ្យាន 23 ខែកញ្ញា), គណៈកម្មការរៀបចំកម្មវិធីនឹងដាក់ម៉ាស៊ីនបោកខោអាវចំនួន 05 គ្រឿង, ម៉ាស៊ីនសម្ងួតខោអាវចំនួន 05 គ្រឿង និងបណ្តាធ្នើរដាក់បង្ហាញសម្លៀកបំ ពាក់ក្រោយពីបានបោក និងសម្ងួត។ ហើយអតិថិជនដែលអញ្ជើញមកទស្សនានៅក្នុងទីផ្សារទំនើបSense Martket សិស្ស និស្សិត ឬសប្បុរសជនរូបណាក៏ដោយ សុទ្ធតែអាចរួមចំណែក, ជូនសម្លៀកបំពាក់ចាស់ៗ និងទទួលសម្លៀកបំពាក់ដែលបានបោក និងសម្ងួតហើយផងដែរ។

៣.ប្រេងសាំងចុះថ្លៃយ៉ាងខ្លាំងចំនួន 700 ដុងក្នុងមួយលីត្រ

ចាប់ពីម៉ោង 3 រសៀលថ្ងៃទី 21 ខែមីនាកន្លងទៅនេះ បណ្តាប្រភេទប្រេងសាំងបានចុះថ្លៃប្រមាណពី 661 ទៅ 708 ដុងក្នុងមួយលីត្រ។ ទន្ទឹមនិងនោះ បណ្តាប្រភេទទំនិញប្រេងក៏បានថយចុះប្រមាណពី 528 ទៅ 657 ដុងក្នុងមួយលីត្រផង ដែរ។ ហើយនេះក៏ជារយៈពេលប្រេងនិងសាំងបានចុះថ្លៃខ្លាំងបំផុតចាប់ពីដើមឆ្នាំមកដល់ពេលនេះ។

ជាក់ស្តែង ប្រេងសាំង RON 92 ចុះថ្លៃចំនួន 708 ដុងក្នុងមួយលីត្រ; សាំង E5 ថយចុះចំនួន 661 ដុងក្នុងមួយលីត្រ; ប្រេង diesel ចុះថ្លៃចំនួន 0.05 វិនាទី គឺចុះចំនួន 609 ដុងក្នុងមួយលីត្រ; ប្រេងកាតចុះថ្លៃចំនួន 657 ដុងក្នុងមួយ  លីត្រ និងប្រេង mazut 180CST ចុះថ្លៃចំនួន 3.5 វិនាទី គឺចុះចំនួន 528 ដុងក្នុងមួយគីឡូក្រាម។

៤. ខេត្ត Bạc Liêu គ្រប់គ្រងដោយជោគជ័យនៃជំងឺគ្រុនផ្តាសាយបក្សី

មកដល់បច្ចុប្បន្ននេះ ខេត្ត Bạc Liêu  បានឆ្លងរយៈពេលកំណត់ចំនួន 21 ថ្ងៃដែលមិនកើតសំបុកជំងឺគ្រុនផ្តាសាយបក្សីសារជាថ្មី, ជាដមំបូង ខេត្តនេះបានគ្រប់គ្រងដោយជោគជ័យជំងឺគ្រុនផ្តាសាយបក្សីក្នុងទូទាំងខេត្ត និងបណ្តាសកម្មភាពធ្វើអាជីវកម្ម ជួញដូ កាប់សម្លាប់សត្វ ដឹកជញ្ជូន ប្រើប្រាស់ និងចិញ្ចឹមសត្វ... បានធម្មតាវិញហើយ។

ហើយដើម្បីបង្ការការផ្ទុះសំបុកជំងឺសាជាថ្មីនោះ ខេត្ត Bạc Liêu បានបន្តការឃោសនា, បំផុសប្រជាជនគួរសកម្មចូលរួមការបង្ការនិងទប់ស្កាត់ជំងឺលើសត្វស្លាបនិងសត្វពាហនៈ; ឃោសនា បំផុសប្រជាជនចិញ្ចឹមសត្វតាមទ្រង់ទ្រាយកសិដ្ឋាន   សុវត្ថភាពជីវសាស្រ្ត កាត់បន្ថយការចិញ្ចឹមធុនតូចតាចរាត់រាយ និងបន្តផ្តល់បញ្ជីចុះឈ្មោះចិញ្ចឹមសត្វទាព្រលែងតាមវាលស្រែ និងបណ្តាមូលដ្ឋានភ្ញាស់ស៊ុតសត្វស្លាបទឹក។

ព័ត៌មានអន្តរជាតិ

១. ប្រទេសជប៉ុនបន្តជំនួយសមត្ថភាពសមុទ្រដល់តំបន់អាស៊ីអាគ្នេយ៍

ប្រទេសជប៉ុននឹងបន្តជំនួយសមត្ថភាពឃ្លាំមើលផ្លូវសមុទ្រដល់បណ្ដាប្រទេសអា ស៊ីអាគ្នេយ៍ រួមទាំងជំនួយនាវាល្បាតផង ដែរ, ប្រយោជន៍ ដើម្បីរក្សាសន្តិសុខនៃ បណ្តាផ្លូវសមុទ្រសំខាន់។ នេះគឺជាផ្នែកមួយក្នុងខ្លឹមសារនៃរបាយការណ៍ប្រចាំឆ្នាំស្តីអំពីការជំនួយបរទេសរបស់រដ្ឋាភិបាលជប៉ុនដែលបានប្រកាសកាលពីថ្ងៃទី 21 មីនាកន្លងទៅនេះ។

ក្រៅពីនេះ របាយការណ៍ក៏បានឲ្យដឹងថា ប្រទេសជប៉ុនកំពុងខិតខំជំនួយបណ្តាប្រទេសកំពុងអភិវឌ្ឍន៍ក្នុងការប្រយុទ្ធប្រ ឆាំងនឹងអំពើភេរវកម្ម ខណៈពេលដែលលទ្ធិជ្រុលនិយមកំពុងមានការកើនឡើង, ទន្ទឹមនិងនោះ ក៏បានជំរុញបណ្តាកិច្ចខិតខំប្រឹងប្រែងសហការក្នុងបញ្ហានេះជាមួយសហគមន៍អន្តរជាតិ។ បានដឹងថា បច្ចុប្បន្ន ប្រទេសជប៉ុនឈចំណាត់ថ្នាក់ ទី 4 នៅលើពិភពលោកអំពី ODA ក្រោយ សហរដ្ឋអាមេរិក អាល្លឺម៉ង់ និងអង់គ្លេស។

២.ប្រជាជនកាណាដារាប់លាននាក់បាត់បង់ការងារធ្វើដោយសារការស្វ័យប្រវត្តិកម្ម

បានដឹងថា រដ្ឋាភិបាលនៃប្រទេសកាណាដាកំពុងស្វែងរកវិធានការដើម្បីធានាការងារធ្វើជូនប្រជាជនរបស់ខ្លួន បន្ទាប់ពីមានរបាយការណ៍ស្រាវជ្រាវមួយបានបង្ហាញឲ្យឃើញថា សេដ្ឋកិច្ចរបស់ប្រទេសកាណាដានឹងមានមនុស្សបាត់បង់ការងារធ្វើចំនួន 7,5 លាននាក់ ដោយការអភិវឌ្ឍន៍ស្វ័យប្រវត្តិកម្ម និងប្រាជ្ញាសិប្បនិមិត្ត។

ការស្រាវជ្រាវនេះ បានបង្ហាញថា ការផ្លាស់ប្តូរម៉ាស៊ីនជំនួសឲ្យមនុស្ស មិនត្រឹមតែជៈឥទ្ធិពលដល់កម្មករដែលបំពេញការងារផលិតកម្មផ្ទាល់ប៉ុណ្ណោះទេ គឺបណ្តាអ្នកជំនាញពូកែក្នុងវិស័យផ្សេងទៀតដូចជា ហិរញ្ញវត្ថុ អ្នកកាសែត... ក៏ត្រូវប៉ះពាល់ផង ដែរ។

៣.បំផ្ទុះគ្រាប់បែកនៅក្នុងប្រទេសអ៊ីរ៉ាក់ មនុស្សចំនួន 23 ត្រូវស្លាប់បាត់បង់ជីវិត

យោងដំណឹងពីទីភ្នាក់ងារសារព័ត៌មាន Reuters និងទីភ្នាក់ងារសារព័ត៌មានវៀតណាម បានដឹងថា មានមនុស្សយ៉ាង ហោចណាស់ចំនួន 23 នាក់ត្រូវស្លាប់បាត់ បង់ជីវិត និងមនុស្សចំនួន 45 នាក់ទៀតត្រូវរងរបួស ក្នុងករណីបំផ្ទុះគ្រាប់ បែកបែបអត្តឃាតមួយ បានកើតឡើងនៅតំបន់ភាគខាងត្បូងឆៀងខាងលិចទីក្រុង បាដាដនៃប្រទេសអ៊ីរ៉ាក់។ ទោះបីមិនទាន់មានក្រុមណាមួយទទួលខុសត្រូវចំ ពោះករណីនេះក៏ដោយ ប៉ុន្តែក្រុមឧទ្ទាមនៃក្រុមរដ្ឋអ៊ិស្លាម (IS) ត្រូវគេសង្ស័យជាអ្នកធ្វើការវាយប្រហានេះ។

Hào Hứng Trồng Lúa Sạch

រីករាយនឹងការដាំដុះស្រូវសរីរាង្គ

 

រូបភាពគំរូដាំដុះដំណាំស្រូវតាមបែបសរីរាង្គស្ថិតនៅស្រុក Tam Bình នៃខេត្ត Vĩnh Long កំពុងត្រូវបានសហគមន៍ប្រជា ជនយកចិត្តទុកដាក់។ ហើយនេះជារូបភាពគំរូដំបូងក្នុងសហគមន៍នេះ បានដាំដុះតាមទ្រងទ្រាយសរីរាង្គ ព្រមទាំងបានទទួលការធានាប្រមូលទិញផលិតផលទាំងអស់ទៀតផង។

យើងខ្ញុំបានធ្វើដំណើមកឃុំ Mỹ Lộc ស្រុក Tam Bình នៃខេត្ត Vĩnh Long ចំពេលដែលបងប្អូនកសិករនៅទីនេះបានប្រមូលផលហើយស្រេចនៃរូបភាពគំរូស្រូវសរីរាង្គ(រដូវសម្រកឆ្នាំ 2016-2017)។ ហើយទៅដល់ទីណាក៏បានឮប្រជាជននិយាយ អំពីការបង្កបង្កើមផលស្រូវសរីរាង្គតាមទម្រង់ការដោយក្តីរំភើបចិត្តផងដែរ។ មិនតែប៉ុណ្ណោះ មានគ្រួសារជាច្រើនកំពុងមានផែនការបន្តពង្រីកផ្ទៃដីដាំដុះស្រូវសរី រាង្គក្នុងរដូវខាងមុខនេះ ដោយហេតុថា ផលិតផលបន្ទាប់ពីប្រមូលផលត្រូវបានទទួលការធានាប្រមូលទិញទាំងអស់ក្នុងតម្លៃខ្ពស់។

ដើម្បីទទួលបានប្រសិទ្ធិភាពតាំងពីរដូវបង្កបង្កើនផលស្រូវដំបូង មូលដ្ឋានបានបង្កើតសហករណ៍ Tân Tiến សម្រាប់ប្រ តិបត្តិការ។ កម្មាភិបាលមន្ទីរកសិកម្មនិង អភិវឌ្ឍន៍ជនបទនិងអង្គភាពផ្គត់ផ្គង់ជីសរីរាង្គ និងបណ្តាវិស្វករបានទ្រៀមជាស្រេច ដើម្បីណែនាំបច្ចេកទេសដល់បងប្អូនកសិករក្នុងការអនុវត្តន៍រូបភាពគំរូនេះ។ ពូជស្រូវដែលត្រូវបានប្រើប្រាស់ក្នុងរូបភាពគំរូនេះគឺស្រូវក្រអូប Jasmine 85។ ក្រុមហ៊ុន Gòn Co.op ជាអង្គភាពចុះកិច្ចសន្យាធានាប្រមូលទិញផលិតផលទាំងអស់ដោយតម្លៃខ្ពស់។ ក្រុមហ៊ុនទទួលខុសត្រូវមានកំរិតអភិវឌ្ឍន៍កសិកម្មភាគខាងត្បូងហៅកាត់ក្រុមហ៊ុន PADCO ត្រូវបានជ្រើសជាអង្គភាពផ្គត់ផ្គង់ និងចែកចាយថ្នាំសរីរាង្គអតិសុខុមកាយ និងណែនាំបច្ចេកទេសបង្កបង្កើនផលដល់បងប្អូនកសិករដែលចូលរួមរូបភាពគំរូ។

លោក Dương Văn Thành ជានាយកសហករណ៍ Tân Tiến ឃុំ Mỹ Lộc បានឲ្យដឹងថា អស់រយៈពេលប៉ុន្មានរដូវបង្កបង្កើន ផលស្រូវសរីរាង្គ បងប្អូនកសិករជាច្រើនគ្រួសារដែលចូលរួមរូបភាពគំរូនេះ នៅតែមានការកង្វល់ ពីព្រោះទិន្នផលស្រូវនិងប្រាក់ចំណូលនៅនៅទាបនៅឡើយ ខណៈដែលចំណាយក្នុងការទិញជី និងថ្នាំគីមីខ្ពស់, ពេលនេះប្តូរមកដាំដំណាំស្រូវសរាង្គបានជាមិនទាន់តាមទាន់បាន។

តាមការស្វែងយល់របស់យើងខ្ញុំ ក្នុងរដូវស្រូវចុងឆ្នាំ ក្នុងរយៈពេលដំបូងបងប្អូនកសិករមិនទាន់មានបទពិសោធច្រើន បូកនិងអាកាសធាតុមិនអំណោយផលបានជាទិន្នផលស្រូវមិនខ្ពស់, ប្រមាណតែ 3,8 តោនក្នុងមួយហិកតា។ ក៏ប៉ុន្តែ ជំ នួស វិញ ប្រមូលផលស្រូវលក់ក្នុងតម្លៃចំនួន 11.000 ដុងក្នុងគីឡូក្រាម គឺខ្ពស់ជាងស្រូវធម្មតាប្រមាណពី 3000 ដុងទៅ 4000 ដុងក្នុងគីឡូក្រាម និងត្រូវបាន ទទួលការធានាប្រមូលទិញផលិតផលទាំងអស់។ ដោយហេតុនេះហើយ ដល់រដូវស្រូវសម្រកឆ្មាំ 2016 ឆ្នាំ 2017 ផ្ទៃដីស្រូវក្នុងរូបភាពគំរូនៅឃុំ Mỹ Lộc បានកើនឡើងដល់ទៅ 40 ហិកតាហើយ, ដោយមាន ការចូលរួមពីបងប្អូនកសិករប្រមាណជាង 70 គ្រួសារ។

 

ប្រែសម្រួលដោយក្រុងចងក្រងភាសាខ្មែរនៃស្ថានីយ៌វិទ្យុះផ្សាយសម្លេងប្រជាជនទីក្រុងហូជីមិញ