Chương trình phát thanh tiếng Khmer - 25/03/2017

Bản tin thứ bảy, ngày 25/03/2017

 

ប្រើរ៉ូបូតដើម្បីវះកាត់មហារីកក្រពះ ៖

តំណាងរបស់មន្ទីរពេទ្យប៊ីញយ៉ិន នៅទីក្រុងហូជីមិញ បានជូនដំណឹងថា ៖ ជាលើកដំបូង មន្ទីរពេទ្យបានប្រើរ៉ូបូត ដើម្បីវះកាត់ជំងឺមហារីកក្រពះ ជូនអ្នកជំងឺប្រុសម្នាក់ កើតឆ្នាំ 1963 សព្វថ្ងៃរស់នៅឯខេត្ត Đồng Tháp ។ អ្នកជំងឺនេះ ទៅពេទ្យព្យាបាលមកពីមូលហេតុ ពិសាអាហារពុំសូវមានអារម្មណ៍ឆ្ងាញ់ និងឆ្អល់ពោះ ពិបាករំលាយអាហារ ។ បន្ទាប់ពីពេលពិនិត្យដោយបច្ចេកទេសទំនើបដូចជា ឆ្លុះ ថត ពិនិត្យឈាមជាដើម លោកគ្រូពេទ្យក៏រកឃើញថា បុរសនេះមានជំងឺខាងក្រពះ ហើយពួកគាត់បានសម្រេចវះកាត់ ដោយប្រើរ៉ូបូតទំនើប ។ តាមសំដីរបស់អ្នកជំនាញបានដឹងថា ជំងឺមហារីកក្រពះ គឺក្នុងក្រពះមានដុំគីសតូចៗច្រើនដុំ ហើយត្រូវចៀយកដុំគីសទាំងនេះ ទើបជាពីជំងឺ និងធានាថា ជំងឺមិនកើតសាជាថ្មីម្តងទៀតបាន ។ ចំណុចល្អរបស់បច្ចេកទេសវះកាត់ដោយប្រើរ៉ូបូត គឺភ្នែកមនុស្សបានមើលក្នុងអេក្រង់ដ៏ច្បាស់ ហើយជួយឱ្យលោកគ្រូពេទ្យ អាចមើលឃើញដុំគីសយ៉ាងច្បាស់និងគ្រប់គ្រាន់ ពិសេសគឺដុំគីសឆ្លង ហើយអាចចៀយកដុំគីសឆ្លងនេះឱ្យអស់ ។ ការមើលឃើញយ៉ាងច្បាស់នេះ ក៏ជួយឱ្យលោកគ្រូពេទ្យ អាចចៀសពីការកាត់ចោលសាច់ល្អ បន្ថយប្រតិកម្មអាក្រក់ ហើយអ្នកជំងឺមិនសូវបាត់បង់ឈាម ។ ដោយសារមិនសូវប៉ះពាល់ដល់សាច់ល្អ ក៏រួមចំណែកធ្វើឱ្យជំងឺឆាប់ជាសះស្បើយ រយៈពេលដេកពេទ្យក៏ខ្លីជាងមុន និងឆាប់ត្រឡប់មកកាន់ជីវភាពរស់នៅធម្មតាសារឡើងវិញ ។ ពិសេស ប្រើរ៉ូបូតដើម្បីវះកាត់ ក៏ល្អជាងមនុស្សវះកាត់ផ្ទាល់ ដោយសារដៃរបស់ម៉ាស៊ីននេះ អាចធ្វើការវះកាត់នៅកន្លែងពិបាកៗ ដែលដៃរបស់មនុស្សពុំអាចលូកដល់បានទេ ។

មន្ទីរពេទ្យជឺរៃនៅទីក្រុងហូជីមិញសម្ពោធផ្នែកព្យាបាលច្របូកច្របល់ចង្វាក់បេះដូង ៖

មន្ទីរពេទ្យ Chợ Rẫy នៅទីក្រុងហូជីមិញ បានសម្ពោធដំណើរការ ផ្នែកព្យាបាលជំងឺច្របូកច្របល់ចង្វាក់បេះដូង ហើយផ្នែកនេះមាននាទី ៖ សង្គ្រោះជាបន្ទាន់ ពិនិត្យជំងឺ ព្យាបាលជំងឺខាងច្របូកច្របល់បេះដូង, អនុវត្តបណ្តាស្នាដៃនៃការស្រាវជ្រាវថ្មីៗ ប្រើប្រាស់បច្ចេកទេសថ្មីៗចូលក្នុងការពិនិត្យនិងព្យាបាលជំងឺ, ចូលរួមក្នុងការបណ្តុះបណ្តាលលោកគ្រូពេទ្យជំនាញ និងការងារសំខាន់ៗមួយចំនួនទៀត ។ លោក Nguyễn Trường Sơn ជាប្រធានមន្ទីរពេទ្យ Chợ Rẫy បានបង្ហាញក្តីជឿជាក់ថា ផ្នែកនេះ នៅពេលដំណើរការ នឹងរួមចំណែកក្នុងការលើកកំពស់គុណភាពរបស់មន្ទីរពេទ្យ ពិសេសគឺវិស័យពិនិត្យជំងឺ ព្យាបាលជំងឺ និងទប់ទល់ចំពោះភាពច្របូកច្របល់របស់បេះដូង ។ ទន្ទឹមនឹងនេះ មន្ទីរពេទ្យក៏ចូលរួមក្នុងប្រព័ន្ធបណ្តាអង្គការ សមាគមន៍ជំនាញរបស់ពិភពលោក ស្តីអំពីជំងឺច្របូកច្របល់ចង្វាក់បេះដូងក្នុងប្រទេស ក្នុងតំបន់ និងនៅលើសកលលោកទាំងមូល ។

ភ្ញៀវទេសចរបរទេសអញ្ជើញមកប្រទេសវៀតណាមដើម្បីថែទាំសុខភាពមាត់ធ្មេញ ៖

មន្ទីរពេទ្យធ្មេញប្រចាំទីក្រុងហូជីមិញ បានរៀបចំពិធីស្វាគមន៍ទិវាសុខភាពមាត់ធ្មេញពិភពលោក ។ ក្នុងពិធីនេះ លោក Nguyễn Hữu Hưng ជាអនុប្រធានមន្ទីរសុខាភិបាលទីក្រុងហូជីមិញ បាននិយាយថា ៖ បច្ចុប្បន្ននេះ អត្រាអ្នកជំងឺខាងមាត់ធ្មេញ ពិសេសគឺនៅកុមារ ត្រូវបានបន្ថយជាងមុនច្រើនណាស់ ។ ប៉ុន្តែនៅតំបន់ជនបទ តំបន់ជាយក្រុង ប្រជាជននៅតែមិនទាន់មានឱកាសថែទាំសុខភាពគ្រប់គ្រាន់ ។ អាស្រ័យហេតុនេះ ដើម្បីបន្ថយជំងឺខាងមាត់ធ្មេញ បណ្តាអង្គភាពជំនាញខាងមាត់ធ្មេញនៅទីក្រុងហូជីមិញ ត្រូវបង្កើនកិច្ចការឃោសនាអំពីជំងឺមាត់ធ្មេញនៅក្នុងមូលដ្ឋាន ពិសេសគឺនៅក្នុងសាលារៀន និងឃោសនាដល់មាតាបីតាសិស្សបានដឹងច្បាស់ ។ ដើម្បីសមាហរ័ណកម្មជាមួយអន្តរជាតិ ក្នុងវិស័យជំងឺមាត់ធ្មេញ លោកវេជ្ជបណ្ឌិត Nguyễn Đức Minh ជានាយកមន្ទីរពេទ្យធ្មេញប្រចាំទីក្រុងហូជីមិញបាននិយាយថា ៖ ក្នុងរយៈពេលខាងមុខនេះ មន្ទីរពេទ្យនឹងបង្កើតក្លឹបព្យាបាលជំងឺធ្មេញ ដើម្បីបំរើអ្នកទេសចរបរទេស ជំនាញខាងសម្ផស និងថែរក្សាសុខភាពមាត់ធ្មេញ ។ បច្ចុប្បន្ននេះ លទ្ធភាពជំនាញរបស់គ្រូពេទ្យវៀតណាម និងម៉ាស៊ីន-ឧបករណ៍ខាងមាត់ធ្មេញរបស់ប្រទេសវៀតណាម គឺស្មើនឹងបណ្តាប្រទេសក្នុងតំបន់ ម៉្លោះហើយ ចំណាយសម្រាប់ពិនិត្យនិងព្យាបាល ក៏ថោកជាងប្រទេសជិតខាង ហើយនេះពិតជាសក្តានុពលរបស់ប្រទេសវៀតណាម ហើយបើយើងមិនដំណើរការកម្មវិធីនេះ គឺគ្រូពេទ្យពីប្រទេសគេ នឹងហូរចូលក្នុងប្រទេសយើង ដើម្បីបើកសេវានេះ ពេលនោះ គឺយើងនឹងជួបលំបាកច្រើនណាស់ ។

មានមនុស្ស៤នាក់ទៀតត្រូវបានវះកាត់បង្កប់អវៈយវៈពីមនុស្ស ៖

តំណាងរបស់មន្ទីរពេទ្យ Việt Đức នៅទីក្រុងហាណូយបាននិយាយថា ៖ មន្ទីរពេទ្យបានវះកាត់បង្កប់អវៈយវៈយ៉ាងជោគជ័យជូនអ្នកជំងឺ 4 នាក់ ហើយអវៈយវៈនេះ ត្រូវបានចៀយកពីមនុស្សស្លាប់ខួរក្បាល ហើយក្រុមគ្រួសាររបស់មនុស្សរងគ្រោះនេះ ក៏យល់ព្រមឱ្យមន្ទីរពេទ្យ យកអវៈយវៈជនរងគ្រោះ ទៅសង្គ្រោះមនុស្សផ្សេងៗ ។ ជាក់ស្តែងគឺ មានបុរសម្នាក់ អាយុ 34 ឆ្នាំ  ត្រូវបានវះកាត់បង្កប់ថ្លើម ដោយសារក្នុងថ្លើមរបស់គាត់ មានដុំគីសដ៏ធំ ហើយគាត់ធ្លាប់ទៅពិនិត្យនិងព្យាបាលជំងឺច្រើនដង ទាំងក្នុងប្រទេស ទាំងក្រៅប្រទេស ប៉ុន្តែជំងឺមិនធូរស្បើយទេ ។ បន្ទាប់ពីពេលវះកាត់បង្កប់ថ្លើម សុខភាពរបស់គាត់ត្រូវបានស្តារឡើងវិញ គាត់ដកដង្ហើមបានធម្មតា មិនត្រូវការម៉ាស៊ីនដូចមុន ពិរេសស នាទីរបស់ថ្លើម ក៏ស្តារឡើងវិញហើយ ។ រីឯអ្នកជំងឺត្រូវបានវះកាត់បង្កប់បេះដូង គឺកុមារីម្នាក់ មានអាយុ 10 ឆ្នាំ ហើយនេះក៏ជាករណីវះកាត់បង្កបបេះដូង ដែលមានអាយុតូចបំផុតនៅប្រទេសវៀតណាមពីដើមមក ។ លោកបណ្ឌិត Nguyễn Hữu Ước ជាប្រធានផ្នែកវះកាត់បេះដូងនិងសរសៃឈាម បាននិយាយថា ៖ កុមារីនេះ ត្រូវកើតជំងឺបេះដូងដ៏ផ្លែកៗ ពុំអាចព្យាបាលបានទេ មានតែបង្កបបេះដូងពីមនុស្សផ្សេង ទើបអាចរស់រៀនមានជីវិតបន្តទៅបាន ហើយនេះក៏ជាសំណាងល្អសម្រាប់កុមារីនេះ ពីព្រោះថា មនុស្សសុខចិត្តផ្តល់បេះដូង គឺពិបាករកបានណាស់ ។ បន្ទាប់ពីពេលវះកាត់បង្កប់បេះដូង មកដល់បច្ចុប្បន្ននេះ ស្ថានភាពរបស់អ្នកជំងឺនេះ កំពុងប្រែប្រួលដ៏ល្អប្រសើរ ហើយកំពុងស្ថិតក្នុងដំណាក់កាលតាមដានយ៉ាងតឹងរឹង ។

3 ca tử vong vì sốt xuất huyết tại TP. HCM

មាន៣នាក់ស្លាប់ដោយសារជំងឺឈគ្រុនឈាមនៅទីក្រុងហូជីមិញ

គិតចាប់ពីដើមឆ្នាំ ២០១៧ មកដល់ពេលនេះ នៅទីក្រុងហូជីមិញ មាន៣នាក់ត្រូវស្លាប់ដោយសារជំងឺគ្រុនឈាម ក្នុងនោះពីរនាក់នៅខណ្ឌលេខ១២ និងម្នាក់ទៀត នៅខណ្ឌលេខ៥

នៅក្នុងពិធីពិភាក្សាការងារជាមួយគណៈកម្មាធិការប្រជាជនប្រចាំខណ្ឌលេខ 12 នៃទីក្រុងហូជីមិញ និងស្ថាប័នសុខាភិបាលបង្ការោគប្រចាំខណ្ឌលេខទី 12 លោកស្រីវេជ្ជបណ្ឌិត Lê Hồng Nga ជាប្រធានផ្នែកត្រួតពិនិត្យជំងឺឆ្លង នៃស្ថាប័នបង្ការរោគប្រចាំទីក្រុង HCM បាននិយាយថា ៖ ឆ្លងកិច្ចការត្រួតពិនិត្យយ៉ាងចៃដន្យទីតាំងមួយចំនួននៅមូលដ្ឋាន បានបង្ហាញឱ្យឃើញថា ការងារកំចាត់សត្វមុស និងកំចាត់ដង្កូវទឹក នៅមានធ្វេសប្រហេះនៅឡើយ ។ ជាក់ស្តង គឺនៅមណ្ឌលទី 7 នៃសង្កាត់ Hiệp Thành ដែលជាទីតាំងមានមនុស្សស្លាប់មកពីជំងឺគ្រុនឈាម គឺចាប់ពីខែតុលា ឆ្នាំ 2016 រហូតដល់ខែកុម្ភៈ ឆ្នាំ 2017 ក្នុងរយៈពេលមួយសប្តាហ៍ មានមនុស្សកើតជំងឺគ្រុនឈាម ដល់ទៅ 3 នាក់ ហើយចំនួននេះ មិនទាន់គិតដល់ចំនួនមនុស្សកើតជំងឺគ្រុនឈាម ហើយសម្រេចទៅព្យាបាលនៅមន្ទីរពេទ្យផ្សេងៗ ដោយមិនរាយការជាមួយសមត្ថកិច្ចប្រចាំមូលដ្ឋាន ទន្ទឹមនឹងនេះ ក្រុមការងារក៏រកឃើញទីតាំងមួយចំនួនមានសត្វដង្កូវទឹកផងដែរ ។

លោកវេជ្ជបណ្ឌិត Nguyễn Hữu Hưng ជាអនុប្រធានមន្ទីរសុខាភិបាល ប្រចាំទីក្រុងហូជីមិញ បាននិយាយថា ៖ បណ្តាញឃោសនាអំពីជំងឺគ្រុនឈាមនៅមូលដ្ឋាន ដំណើរការមិនទាន់មានប្រសិទ្ធិភាព ។ លោកបាននិយាយបន្ថែមថា ៖ តើហេតុអ្វីមិនធ្វើការស្រាវជ្រាវសង្កេតក្នុងចំនួនមនុស្សចំនួន 100 នាក់ ដើម្បីបានដឹងថា មានប៉ុន្មាននាក់កើតជំងឺគ្រុនឈាម? ប៉ុន្មាននាក់កើតជំងឺមាត់ដៃជើង? ហើយត្រូវពិនិត្យថា ហេតុអ្វីដែលមនុស្ស 10 នាក់ ត្រូវបានឃោសនាអំពីវិធីកំចាត់សត្វមុសនិងដង្កូវទឹក ហើយផ្ទះណាក៏មានដង្កូវទឹក? នេះពិតជាវិធីឃោសនារបស់យើងមិនទាន់មានប្រសិទ្ធភាព អាស្រ័យហេតុនេះ យើងមិនត្រឹមតែឃោសនាដល់ប្រជាជនប៉ុណ្ណោះទេ គឺយើងត្រូវធ្វើការឃោសនាដល់ថ្នាក់ដឹកនាំមូលដ្ឋានគ្រប់លំដាប់ថ្នាក់ រួមទាំងបុគ្គលិកពេទ្យប្រចាំមូលដ្ឋានផង ដើម្បីពួកគេសហការជាមួយគ្នា ទើបទទួលបានប្រសិទ្ធិភាពខ្ពស់ ។

VOH

Bình luận

Đọc Báo