កម្មវិធីផ្សាយជាភាសាខ្មែរថ្ងៃទី ៨-២-២០២៣

ថ្មីៗនេះ ខេត្ត Nghệ An បានសម្ពោធកម្មវិធីកៀរគរថវិកាជួយសាងសង់ផ្ទះជូនប្រជាជនក្រីក្រ និងជួបការលំបាកលំខាងលំនៅឋានក្នុងខេត្ត ដំណាក់កាលពីឆ្នាំ 2023 - 2025។ បានដឹងថា ក្នុងដំណាក់កាលពីឆ្នាំ 2020 – 2022, ខេត្ត Nghệ An ទាំងមូល បានប្រមូលផ្តុំសាងសង់ និងជួសជុលផ្ទះជាង 4.500 ខ្នងជូនគ្រួសារក្រក្រ, គ្រួសារស្ថិតនៅបន្ទាត់ក្រីក្រ និងគ្រួសារលំបាកខាងលំនៅឋាន ដោយចំណាយថវិកាសរុបជាង 177 ពាន់លានដុង។ ទោះជាយ៉ាងណាក៏ដោយ, មកដល់ពេលនេះ ខេត្តនៅតែមានប្រជាជនក្រីក្រជាង 55.000 គ្រួសារ, ជិត ៥៣,០០០ គ្រួសារ ស្ថិតក្នុងបន្ទាត់ក្រីក្រ, ក្នុងនោះជាង 15.300 គ្រួសារ កំពុងជួបការលំបាកខាងលំនៅឋាន។ ដោយហេតុនេះហើយ, ក្នុងឱកាសរំលឹកខួបលើកទី៩៣ ថ្ងៃបង្កើតបក្សកុម្មុយនិស្តវៀតណាម (3-2-1930 – 3-2-2023) ខេត្ត Nghe An បានបន្តបើកកម្មវិធីជួយឧបត្ថម្ភសាងសង់ផ្ទះជូនអ្នកក្រីក្រ។ បន្ទាប់បំផុសកម្មវិធី មាន 115 បុគ្គល និងអង្គភាព បានគាំទ្រកម្មវិធីសាងសង់ផ្ទះចំនួន 10.131 ខ្នង ជាមួយថវិការជិត 518 ពាន់លានដុង, គិតជាមធ្យម ៥០ លានដុង/ខ្នង។