Bản tin thứ bảy ngày 10/12/2016

ព័ត៍មានថ្ងៃសៅរ៌ ទី ១០ ខែធ្នូ ឆ្នាំ ២០១៦

១.ធ្វើការវះកាត់តាមបច្ចេកទេសអង់ដូស្កូពីជាលើកដំបូងដោយរ៉ូបូត ៖

លោក Đinh La Thăng ជាលេខានៃគណៈកម្មាធិការបក្ស ប្រចាំទីក្រុងហូជីមិញ បានអញ្ជើញចុះពិនិត្យ និងតាមដាននៅមន្ទីរពេទ្យ Bình Dân នៅទីក្រុងហូជីមិញ ចំពោះកិច្ចការធ្វើការវះកាត់អង់ដូស្កូពីដោយរ៉ូបូតដំបូងគេនៅប្រទេសវៀតណាម ។ លោក Trần Vĩnh Hưng ជាប្រធានមន្ទីរពេទ្យ Bình Dân បាននិយាយថា ៖ ដោយមានបច្ចេកទេសវះកាត់ប្រហោងតូចដោយរ៉ូបូតបែបនេះ នឹងលើកកំពស់គុណភាពព្យាបាលជំងឺជូនប្រជាជន ពិសេសគឺអ្នកជំងឺ ដែលមានជំងឺស្មុគ្រស្មាញ់ ដែលត្រូវការវះតាត់ ។ កិច្ចការធ្វើការវះកាត់ប្រហោតតូចដោយប្រើរ៉ូបូត ក៏រួមចំណែកក្នុងការ កសាងកេរ្តិ៍ឈ្មោះរបស់វិស័យពេទ្យនៅប្រទេសវៀតណាម ហើយក្នុងអនាគតកាល នឹងឈានទៅអភិវឌ្ឍន៍ ក្លាយទៅជាមជ្ឈមណ្ឌល បណ្តុះបណ្តាលបច្ចេកទេសវះកាត់អង់ដូស្កូពី ដោយរ៉ូបូត ជូនបណ្តាមន្ទីរពេទ្យក្នុងទូទាំងប្រទេស និងបណ្តាមន្ទីរពេទ្យក្នុងតំបន់អាស៊ីអាគ្នេយ៍ ។ ថ្លែងសុន្ទកថាក្នុងពិធីនេះ លោក Đinh La Thăng បានស្វាគមន៍មន្ទីរពេទ្យ Bình Dân ហ៊ានវិនិយោគ ដើម្បីទិញនិងប្រើប្រាស់ម៉ាស៊ីនពេទ្យដ៏ទំនើបៗ ពិសេសបានឈានមុខគេក្នុងវិស័យ ប្រើប្រាស់រ៉ូបូតដើម្បីបំរើកិច្ចការព្យាបាលជំងឺជូនប្រជាជន និងរួមចំណែកជំរុញវិស័យ ប្រើប្រាស់រ៉ូបូតសម្រាប់ព្យាបាលជំងឺនៅប្រទេសយើង ដើម្បីប្រជាជននឹងមានឱកាស បានប្រើប្រាស់បណ្តាសេវ៉ាពេទ្យដ៏ទំនើបៗ និងរួមចំណែកក្នុងការ អះអាងអំពីតួនាទី របស់ប្រទេសវៀតណាម នៅលើឆាកអន្តរជាតិ អំពីការអនុវត្តរ៉ូបូត ចូលក្នុងវិស័យថែទាំសុខភាពមនុស្ស ។ តាមផែនការដាក់ចេញជាមុន មន្ទីរពេទ្យ Bình Dân នឹងអនុវត្តបច្ចេកទេសរ៉ូបូត ដើម្បីវះកាត់ព្យាបាលជំងឺមហារីកប្រព័ន្ធប្រូស្តាត មហារីកក្រលៀន មហារីកថង់ម៉ូត ជំងឺមហារីកពោះវៀនធំ ជំងឺមហារីកសួត កាត់បំពង់ក្នុងថង់ប្រម៉ាត់ និងវះកាត់-តចំពោះអវៈយវៈផ្សេងៗ ។ បានដឹងថា មន្ទីរពេទ្យ Bình Dân ជាអង្គការដំបូង ក្នុងទូទាំងប្រទេស និងទូទាំងតំបន់អាស៊ីអាគ្នេយ៍ បានអនុវត្តបច្ចេកទេសដ៏ទំនើបនេះ ។

២.ទីក្រុងហូជីមិញនឹងបង្កើតគណកម្មការគ្រប់គ្រងសុវត្ថិភាពគ្រឿងឧបភោគបរិភោគ ៖

ថ្មីៗនេះ លោកនាយករដ្ឋមន្ត្រី បានអនុញ្ញាតយល់ព្រម ឱ្យបង្កើតគណៈកម្មការគ្រប់គ្រងសុវត្ថិភាព នៅទីក្រុងហូជីមិញ ។ គណៈកម្មការនេះ ជាស្ថាប័នក្រោមចំណុះគណៈកម្មាធិការប្រជាជនទីក្រុង ហូជីមិញ មានភារកិច្ចជួយសម្រួលដល់គណៈកម្មាធិការប្រជាជនទីក្រុងហូជីមិញ ក្នុងកិច្ចការ អនុវត្តច្បាប់អំពីសុវត្ថិភាពគ្រឿងឧបភោគបរិភោគក្នុងភូមិសាស្ត្រទីក្រុងហូជីមិញ ។ អង្គភាពនេះ នឹងមាននីតិបុគ្គលិកលក្ខណៈ មានត្រា និងមានគណនីដោយឡែកនៅធនាគារ និងមានទីស្នាក់ការនៅទីក្រុងហូជីមិញ ។ រយៈពេលដំណើរការសាកល្បង របស់អង្គភាពនេះ គឺ  03 ឆ្នាំ គិតចាប់ពីថ្ងៃសុពលភាព ។

៣.ខេត្តដុងណាយកោះប្រជុំបន្ទាន់ដើម្បីទប់ទល់នឹងជំងឺយីកា ៖

គណៈកម្មាធិការប្រជាជនខេត្ត Đồng Nai បានប្រកាសជំងឺយីកា នៅមណ្ឌលលេខ 10 សង្កាត់ An Bình ទីក្រុង Biên Hòa និងកោះអង្គប្រជុំជាបន្ទាន់ ដើម្បីមានផែនការទប់ទល់នឹងជំងឺ ។ ក្នុងពិធីនេះ លោក Huỳnh Minh Hoàn ជាប្រធានមន្ទីរសុខាភិបាល ប្រចាំខេត្ត Đồng Nai បានរាយការណ៍អំពីស្ថានភាពរបស់ជំងឺ និងជូនដំណឹងថា ខេត្ត Đồng Nai ទើបរកឃើញស្ត្រីមានគភ៌មួយនាក់ មានផ្ទុកវីរុសយីកាក្នុងខ្លួន ។ បន្ទាប់ពីនោះ ស្ថាប័នមានសមត្ថកិច្ចប្រចាំមូលដ្ឋាន បានធ្វើការត្រួតពិនិត្យក្នុងមូលដ្ឋាន ប៉ុន្តែមិនទាន់រកឃើញ មនុស្សថ្មីកើតជំងឺនេះទេ ហើយមូលដ្ឋានក៏បង្កើនកិច្ចការឃោសនា ឱ្យប្រជាជនសកម្ម ក្នុងការកំចាត់សត្វមុសនិងដង្កូវទឹក ។ ក្នុងអង្គប្រជុំនេះ លោកស្រី Nguyễn Hòa Hiệp ជាអនុប្រធានគណៈកម្មាធិការប្រជាជនខេត្ត Đồng Nai បានណែនាំដល់បណ្តាស្ថាប័ន និងអង្គភាពនានាក្នុងមូលដ្ឋាន ត្រូវមានវិធានការនិងផែនការ ដើម្បីបង្ក្រាបសំបុកជំងឺ ចៀសវាងការផ្ទុះសំបុកជំងឺថ្មី ។ ទន្ទឹមនឹងនេះ បណ្តាស្ថាប័នក្នុងមូលដ្ឋាន ក៏ត្រូវសហការជាមួយគ្នា ដើម្បីដោះស្រាយជំងឺឱ្យទាន់ពេលវេលា ។

៤.ទីក្រុងហូជីមញ ៖ ក្នុងចំណោមបុរស ១០ម៉ឺននាក់ គឺមាន ១៧២ នាក់ មានជំងឺមហារីកក្នុងខ្លួន ៖

នៅក្នុងពិធីសិក្ខាសាលា ស្តីអំពីកិច្ចការប្រឆាំងនឹងជំងឺមហារីក ដែលត្រូវបានរៀបចំឡើង នៅឯមន្ទីរពេទ្យមហារីក នៅទីក្រុងហូជីមិញ ក៏បានបង្ហាញឱ្យឃើញថា ៖ ក្នុងចំណោមបុរស់ចំនួន 10 ម៉ឺននាក់ គឺមាន 172 នាក់ ត្រូវមានជំងឺមហារីក រីឯនៅស្ត្រីវិញ គឺមាន 138 នាក់ឯណោះ ។ ជំងឺតែងតែកើតឡើងនៅបុរសគឺ ៖ ជំងឺមហារីកសួត មហារីកថ្លើម មហារីកពោះវៀនធំ មហារីកក្រពះ និងមហារីកបំពង់សម្លេង ។ ចំពោះស្ត្រីគឺ ជំងឺមហារីកសុដន្យ ជំងឺមហារីកស្បូន ជំងឺមហារីកពោះវៀនធំ និងជំងឺមហារីកសួត ។ លោកវេជ្ជបណ្ឌិត Phạm Xuân Dũng ជាអនុប្រធានមន្ទីរពេទ្យមហារីកនៅទីក្រុងហូជីមិញ បាននិយាយថា ៖ លទ្ធផលនៃកិច្ចការស្ថិតិ អំពីជំងឺមហារីក នៅបណ្តាទីក្រុងធំៗក្នុងទូទាំងប្រទេសបានបង្ហាញឱ្យឃើញថា ជំងឺមហារីកកំពុងកើនឡើងគួរឱ្យបារម្ភ ។ ក្នុងមួយួឆ្នាំ មានមនុស្សកើតជំងឺមហារីកថ្មី ប្រមាណ 125.000 នាក់ និងមានមនុស្សជាង 94.000 នាក់ ត្រូវស្លាប់ដោយសារជំងឺនេះ ។

៥.ស្ត្រីមានគភ៌ ពិសារទឹកដោះគោ នឹងបន្ថយលទ្ធភាព កុមារកើតជំងឺប្រតិកម្ម ៖

ដើម្បីឱ្យកុមារពុំសូវមានជំងឺខាងប្រតិកម្ម គឺស្ត្រីមានគភ៌ គួរពិសាទឹកដោះគោឱ្យបានច្រើន ទើបជាការប្រសើរ ។ ពាក្យអះអាងរបស់អ្នកជំនាញនេះ គឺត្រូវបានបង្ហាញតាមលទ្ធផល នៃកិច្ចការស្រាវជ្រាវនៅសហរដ្ឋអាមេរិក ទៅលើស្ត្រីមានគភ៌ជិត 1.300 នាក់ ។ លទ្ធផលក៏បង្ហាញថា មានអាហារខ្លះ អាចធ្វើឱ្យកុមារកើតជំងឺប្រតិកម្ម ពិសេស លទ្ធផលនៃការស្រាវជ្រាវក៏បង្ហាញឱ្យឃើញថា បើស្ត្រីមានគភ៌ ពិសាទឹកដោះគោច្រើន ក្នុងរយៈពេលមានផ្ទៃពោះ 3 ខែដំបូង អាចធ្វើឱ្យកុមារបន្ថយជំងឺហឺត និងរលាកច្រម៉ុះ ។ ក្រុមស្រាវជ្រាវក៏រកឃើញថា ស្ត្រីមានគភ៌ពិសាទឹកដោះគោ មានការទាក់ទងដល់ប្រតិកម្ម មកពីការញ៉ាំសណ្តែកដីរបស់កុមារ បើស្ត្រីពិសារទឹកដោះគោឱ្យបានច្រើននិងប្រចាំ គឺកូនរបស់ខ្លួន កើតមកនឹងមិនសូវប្រតិកម្មនៅពេលញ៉ាំសណ្តែកដីទេ ពិសេស ស្ត្រីមានគភ៌ ផឹកទឹកដោះគោច្រើន ក៏បន្ថយអាការៈរលាកស្បែកនៅកុមារផងដែរ ។

 

Coi chừng bệnh nặng do dị ứng thuốc

ប្រយ័ត្នជំងឺធ្ងន់ធ្ងរមកពីប្រតិកម្មថ្នាំ

ថ្មីៗនេះ នៅឯមន្ទីរពេទ្យមហាវិទ្យាល័យប្រចាំទីក្រុងហូជីមិញ បានទទួលពិនិត្យនិងព្យាបាលជំងឺ ជូនបុរសម្នាក់ អាយុ 55 ឆ្នាំ គាត់មានអាការៈខាងក្រៅដូចជា លិចកញ្ជ្រិលក្រហមនៅស្បែក អមជាមួយនូវពងទឹកនិងមុនទឹក មានកន្លែងខ្លះ សាច់ត្រូវរលួយ និងកន្លែងខ្លះត្រូវរលាកធ្ងន់ធ្ងរ ពិសេស អ្នកជំងឺនេះ ត្រូវរលាកនូវរង្វះមាត់និងរលាកម្តុំផ្លូវបន្តពូជ ។

បន្ទាប់ពីពិនិត្យជំងឺ និងសាកសួរអំពីជំងឺ អ្នកជំងឺក៏និយាយថា ៖ មុននេះក៏ធ្លាប់ប្រើថ្នាំ សម្រាប់អ្នកជំងឺប្រគ្រីវ ឬជំងឺហ្គត់ ក្រោយពេលប្រើថ្នាំនេះបានប្រមាណ 20 ថ្ងៃ ទើបកើតមានសញ្ញាជំងឺប្លែកៗមួយចំនួន ។ នេះជាករណីប្រតិកម្មថ្នាំ បង្កឡើងដោយជំងឺចំឡែកម៉្យាង ដែលអ្នកជំនាញហៅថា ជំងឺ Steven Johnson ។

មានករណីមួយទៀត អ្នកជំងឺបានអញ្ជើញមកពិនិត្យជំងឺនៅមន្ទីរពេទ្យ ដោយសារស្បែកក៏មានរបួសស្រដៀងនឹងបុរសនេះ ហើយបន្ទាប់ពីពេលពិនិត្យជំងឺ ក៏បានដឹងថា ៖ មុននេះ អ្នកជំងឺធ្លាប់លាបថ្នាំសម្អាងកាយ ប៉ុន្តែមិនច្បាស់ពីប្រភពដើមទេ ក្នុងគោលបំណង ធ្វើឱ្យស្បែក.ស មត់ខៃល្អ ។ ប៉ុន្តែបន្ទាប់ពីពេលលាបថ្នាំនេះបានប្រមាណ 10 ថ្ងៃ ស្រាប់តែកើតសញ្ញាជំងឺតែម្តង ។

គិតមកដល់ពេលនេះ នៅមន្ទីរពេទ្យមហាវិទ្យាល័យវេជ្ជសាស្ត្រប្រចាំទីក្រុងហូជីមិញ បានទទួលព្យាបាលអ្នកជំងឺ Steven Johnson ជាច្រើននាក់ ហើយភាគច្រើន អ្នកជំងឺទាំងនេះ ត្រូវកើតជំងឺមកពីការប្រតិកម្មនឹងថ្នាំ ឬប្រតិកម្មជាមួយគ្រឿងសំអាងកាយ ដូចជាម្សៅធ្វើឱ្យស្បែក.ស ជាដើម ។

កិច្ចការព្យាលជំងឺ Steven Johnson ប្រហាក់ប្រហែលនឹងការព្យាបាលជំងឺ សម្រាប់មនុស្សត្រូវរលាកភ្លើងក្តៅ ដោយសារជំងឺនេះ ធ្វើឱ្យរលួយស្បែក នឹងអាចនាំមកផ្តាច់ជីវិតក៏អាចមានដែរ ។ បើកើតជំងឺនេះ អ្នកជំងឺត្រូវទទួលបានការព្យាបាលជំងឺយ៉ាងឆាប់ៗ ព្យាបាលដោយបច្ចេកទេសខ្ពស់ៗ បន្ថែមជាតិទឹកឱ្យបានគ្រប់គ្រាន់ ការពារកុំឱ្យក្លាយរោគ ថែរក្សាម្តុំស្បែករបួស ព្យាបាលដោយថ្នាំ Corticoid ថ្នាំពិសេសៗ ថ្នាំ Globulin និងថ្នាំមួយចំនួនទៀត ។ មនុស្សដែលកើតជំងឺប្រភេទ Steven Johnson ត្រូវដេកពេទយព្យាបាលជំងឺ នឹងតាមដានជំងឺឱ្យបានហ្មត់ចត់ ។ បន្ទាប់ពីពេលធូរពីជំងឺ ត្រូវពិនិត្យម្តងទៀត ដើម្បីរិះរកឱ្យឃើញនូវមូលហេតុពិតៗ ។ ចំពោះបណ្តាករណីត្រូវប្រតិកម្មថ្នាំ ត្រូវកំណត់ឱ្យបានប្រភេទថ្នាំពុល ហើយនៅពេលចេញពីពេទ្យ លោកគ្រូពេទ្យត្រូវផ្តល់ប្រឹក្សាជូនអ្នកជំងឺបានដឹង អំពីស្ថានភាពរបស់ជំងឺ នឹងសារធាតុគីមីពុល បណ្តាលឱ្យកើតជំងឺ ដើម្បីមានវិធានការការពារខ្លួនឱ្យបានល្អប្រសើរ ៕

ប្រែសម្រួលដោយក្រុមចងក្រងភាសាខ្មែរនៃស្ថានីយ៌វិទ្យុះផ្សាយសម្លេងប្រជាជនទីក្រុងហូជីមិញ