Bản tin thứ ba, ngày 07/02/2017

ព័ត៍មានថ្ងៃអង្គារទី ៧​ខែកុម្ភៈ ឆ្នាំ ២០១៧

 

 ១.ដើមទុនពីបរទេសចុះបញ្ជីក្នុងខែដើមឆ្នាំមានចំនួនជាង១.៤០០លានដុល្លារសហរដ្ឋអាមេរិក ៖

យោងសេចក្តីរាយការណ៍ពីនាយកដ្ឋានស្ថិតិបានបង្ហាញឱ្យឃើញថា ៖ ដើមទុនវិនិយោគពីបរទេសផ្ទាល់ ចូលក្នុងប្រទេសវៀតណាម ក្នុងខែដំបូងនៃឆ្នាំថ្មី 2017 គឺទទួលបានជាង 1.423 លានដុល្លារសហរដ្ឋអាមេរិក គឺច្រើនជាងឆ្នាំទៅប្រមាណ 6,3% ក្នុងនោះវិស័យកែច្នៃ នៅតែជាវិស័យទទួលបានប្រាក់វិនិយោគច្រើនជាគេ បន្ទាប់មក គឺវិស័យអចនវត្ថុ ។ គិតមកដល់ពេលនេះ ប្រទេសសឹង្ហបុរី គឺជាប្រទេសវិនិយោគទុនចូលក្នុងប្រទេសវៀតណាមច្រើនជាងគេ បន្ទាប់មកគឺប្រទេសកូរ៉េខាងត្បូង ប្រទេសចិន និងប្រទេសជប៉ុន ។

 

២.ទីក្រុងហូជីមិញ ជាទីតាំងស្រូបទាញភ្ញៀវទេសចរណ៍ជាតិនិងអន្តរជាតិ ៖

យោងទិន្នន័ស្ថិតិពីនាយកដ្ឋានទេសចរណ៍ប្រចាំទីក្រុងហូជីមិញបានដឹងថា ៖ ក្នុងរយៈពេលអំណរបុណ្យចូលឆ្នាំថ្មីជាតិ គឺចំនួនភ្ញៀវទេសចរណ៍អន្តរជាតិ បានកើនច្រើនជាងឆ្នាំទៅ ជាក់ស្តែងគឺប្រមាណ 45.000 នាក់ក្នុងមួយថ្ងៃ ។ ភ្ញៀវទេសរចរណ៍កើនឡើង គឺបណ្តាច្រកចេញចូលដូចជាព្រលានយន្តហោះជាដើម គឺកិច្ចការបានកើនឡើងច្រើនជាង ប៉ុន្តែបុគ្គលិកយើងប្រចាំការនៅច្រកទ្វារទាំងនេះ បានព្យាយាមខ្លាំង ដើម្បីការងារនឹងត្រូវបានដំណើរការយ៉ាងលូន ឆាប់រហ័ស ហើយភ្ញៀវទេសចរណ៍អន្តជាតិ ត្រូវទទួលបានសេវ៉ាដដ៏ល្អប្រសើរទាំងអស់គ្នា ។ ជាក់ស្តែង នៅព្រលានយន្យហោះអន្តជាតិ Tân Sơn Nhất នៅទីក្រុងហូជីមិញ សមត្ថកិច្ចបានរៀបចំកម្លាំងបំពេញការងារយ៉ាងគ្រប់គ្រាន់ ធានារាល់សេវ៉ាជូនភ្ញៀវជាតិនិងអន្តរជាតិ មិនបណ្តោយឱ្យកើតមានស្ថានភាពកកស្ទះ ឬខកជើងហោះហើយរបស់ភ្ញៀវជាដាច់ខាត ។ ទន្ទឹមនឹងនេះ នៅក្នុងទីក្រុងហូជីមិញ ក៏មានកម្មវិធីអបអរសារទរឆ្នាំថ្មីជាច្រើន ហើយក៏ទទួលបានការស្វាគមន៍យ៉ាងកក់ក្តៅ ពីភ្ញៀវទេសចរណ៍ជាតិនិងអន្តរជាតិ ។ រីឯនៅមហាវិថីរុក្ខជាតិលំអរ Nguyễn Huệ មានភ្ញៀវជាតិនិងអន្តរជាតិជាង 1 លាននាក់ បានអញ្ជើញមកទីនេះក្នុងមួយថ្ងៃ ដើម្បីទស្សនានិងលេងកំសាន្ត ។ ហើយទីតាំងទេសចរណ៍មួយចំនួនទៀតក្នុងទីក្រុង ក៏ទទួលបានភ្ញៀវជាតិនិងអន្តរជាតិក្នុងចំនួនច្រើនៗផងដែរ ។ ពិសេស ដើម្បីឆ្លើយតបនឹងតម្រូវការរបស់អតិថិជន គឺមានក្រុមហ៊ុនទេសចរណ៍ជាច្រើន ក៏បានរៀបចំជើងទេសចរណ៍ដ៏ល្អៗ ដើម្បីបំរើភ្ញៀវ ទាំងក្នុងប្រទេសផង និងទាំងនៅបរទេសផង ក្នុងនោះ មានក្រុមហ៊ុនទេសចរណ៍មួយចំនួនក៏បានឡើងកម្មវិធីទេសចរណ៍ ដើម្បីបំរើភ្ញៀវមកពីបរទេស ក្នុងគោលបំណងឧទ្ទេសនាមអំពីទំនៀមទំលាប់របស់ប្រជាជនវៀតណាម និងឧទ្ទេសនាមអំពីទីទាំងដ៏ជក់ចិត្តមួយចំនួនក្នុងទូទាំងប្រទេស ។

៣.ទីក្រុងហូជីមិញត្រូវការពលករជាង៣០.០០០នាក់ក្នុងខែកុម្ភៈនេះ ៖

យោងដំណឹងពីមជ្ឈមណ្ឌលផ្តល់ព័ត៌មានអំពីពលករប្រចាំទីក្រុងហូជីមិញបានដឹងថា ក្នុងអំឡុងខែកុម្ភៈ ឆ្នាំ 2017 បណ្តាអាជីវករក្នុងភូមិសាស្ត្រទីក្រុងហូជីមិញ ត្រូវការពលករប្រមាណ 30.000 នាក់ ក្នុងនោះ មានពលករកាលសម្បត្តិប្រមាណ 10.000 នាក់ ។ តាមការទស្សទាយរបស់មជ្ឈមណ្ឌលនេះ គឺស្ថានភាពខ្វះខាតពលករក្រោយចូលឆ្នាំ គឺមិនសូវច្រើនណាស់ណាទេ ពីព្រោះថា ពលករភាគច្រើនមានការងារស្ថិរភាព អាជីវករជាច្រើន បានអនុវត្តរបបប្រាក់បៀវត្សល្អ ហើយពលករក៏ទទួលបានសេវ៉ាល្អ បានជាពួកគាត់សុខចិត្តត្រឡាប់មករោងចក្រធ្វើការវិញ ដោយមិនចាំបាច់ទៅរកកន្លែងធ្វើការថ្មីដូចឆ្នាំមុនៗនោះទេ ។

 

៤.ខេត្តប៊ីញថួនវិនិយោគគំរោងអគ្គិសនីអណ្តែតទឹកនៅបឹងដាមី ៖

ដោយគោលការណ៍ អភិវឌ្ឍន៍ថាមពលអគ្គិសនីពីធម្មជាតិ មិនប៉ះពាល់ដល់បរិស្ថាន គឺគណៈកម្មាធិការប្រជាជនខេត្ត Bình Thuận បានអនុញ្ញាតយល់ព្រមឱ្យក្រុមហ៊ុនភាគហ៊ុន វារីអគ្គិសនី Đa Nhim - Hàm Thuận – Đa Mi មានសិទ្ធិធ្វើការសិក្សាស្រាវជ្រាវ និងវិនិយោគអភិវឌ្ឍន៍រោងចគ្រអគ្គិសនីពីថាមពលព្រះអាទិត្យ ដោយកសាងដាក់ផ្ទាំងស្រូបយកកំដៅពីព្រះអាទិត្យនៅលើផ្ទៃទឹកនៃបឹង Đa Mi ស្ថិតនៅឃុំ La Ngâu ស្រុក Tánh Linh និងឃុំ Đa Mi ឃុំ La Dạ នៃស្រុក Hàm Thuận Bắc ខេត្ត Bình Thuận ។ ផ្ទៃទឹកសម្រាប់គំរោងការ គឺមានចំនួន 57ha និងផ្ទៃដីគោកប្រមាណ 67ha ។ រោងចក្រនេះ មានពលានុភាពជាង 69 លាន kWh ក្នុងមួយួឆ្នាំ ហើយតាមផែនការ រោងចក្រអគ្គិសនីនេះ នឹងដំណើរការជាផ្លូវការក្នុងឆ្នាំ 2019 ខាងមុខនេះ ។

 

Hỗ trợ phát triển mạnh đàn bò sữa tại TP. HCM

ជំនួយដើម្បីធភិវឌន្ឈ៍ហ្វងសត្វគោរឺតទឹកដោះនៅទីក្រុងហូជីមិញ

 

        ក្នុងឱកាសទស្សនកិច្ចរោងចក្រកផលិតទឹកដោះគោរបស់ក្រុមហ៊ុន Vinamilk លោក Đinh La Thăng បានស្នើរដល់ថ្នាក់ដឹកនាំរបស់ក្រុមហ៊ុនថា ៖ ក្រុមហ៊ុនគួរជួយឧបត្ថម្ភដល់បងប្អូនកសិករនៅទីក្រុងហូជីមិញ ដើម្បីពួកគាត់មានឱកាសអភិវឌ្ឍន៍ ដើម្បីផ្តល់ជូនសហគមន៍នូវផលិតផលសុវត្ថិភាព ផលិតផលមានទិន្នផលខ្ពស់ និងមានលក្ខណៈគ្រប់គ្រាន់ ដើម្បីនាំផលិតផលទៅកាន់បរទេស ។ ទន្ទនឹមនឹងនេះ លោក Đinh La Thăng ក៏បង្ហាញនូវក្តីពេញចិត្ត ដោយក្រុមហ៊ុន Vinamilk បានបន្តយុទ្ធសាស្ត្រចូលក្នុងតំបន់វត្ថុធាតុដើមតាមស្តង់ដារអន្តរជាតិ ។ គិតមកដល់ពេលនេះ ក្រុមហ៊ុន Vinamilk មានកសិដ្ឋានទំនើបៗកំពុងដំណើរការ ចំនួន 7 កន្លែង និងកំពុងសាងសង់ពីរកសិដ្ឋានបន្ថែមទៀត ដែលកូនគោរសុទ្ធតែបាននាំចូលពីសហរដ្ឋអាមេរិក ប្រទេសអូស្ត្រាលី និងប្រទេសនូវ៉ាសេឡង់ ហើយកសិដ្ឋានទាំងអស់របស់ក្រុមហ៊ុន សុទ្ធតែដំណីរតាមស្តង់ដារ Global GAP ស្តីអំពីការគ្រប់គ្រងកសិដ្ឋាន និងទទួលបានទឹកដោះគោ ដែលមានគុណភាពល្អពិសេស ។ បណ្តាកសិដ្ឋាន សុទ្ធតែមានប្រព័ន្ធប្រព្រឹត្តកាកសំណល់យ៉ាងទំនើបៗ មិនប៉ះពាល់ដល់បរិស្ថាន ។

លោក Đinh La Thăng ក៏បានស្វាគមន៍ក្រុមហ៊ុន ដោយក្រុមហ៊ុនបានចងសម្ព័ន្ធភាព ជាមួយកសិកចិញ្ចឹមសត្វគោរឺតទឹកដោះរជាង 8.000 ក្រុមគ្រួសារ ដោយមានសត្វគោរឺតទឹកដោះជាង 12.000 ក្បាល ហើយនេះក៏បានរួមចំណែក ចូលក្នុងស្នាដៃ ផ្តល់ទឹកដោះគោសុទ្ធជាង 750 តោនក្នុងមួយថ្ងៃ ហើយក៏បានរួមចំណែកក្នុងការ ផ្តល់ការងារធ្វើជូនប្រជាជន កសាងវិស័យផលិតទឹកដោះគោនៅប្រទេសវៀតណាម អភិវឌ្ឍន៍តាមទិសចីរភាព និងស្ថិរភាព ។

ចំពោះបញ្ហា ជួយបងប្អូនកសិករនៅទីក្រុងហូជីមិញ ក្នុងការផ្លាស់ប្តូរពូជសត្វ និងរូបភាពគំរូ ដើម្បីផ្តល់ជូនសហគមន៍នូវផលិតផលសុវត្ថិភាព លោក Đinh La Thăng ក៏មានប្រសាសន៍ថា ៖ វិស័យកសិកម្មរបស់ទីក្រុង គឺមានអត្រាតែ 0,84% តែប៉ុណ្ណោះ គឺតិចតួចណាស់ បើធ្វើការប្រៀបធៀបជាមួយកំណើនសេដ្ឋកិច្ចរបស់ទីក្រុង ប៉ុន្តែចំនួននេះ គឺមានសារៈសំខាន់ណាស់សម្រាប់សហគមន៍បងប្អូនកសិករនៅទីក្រុង ទោះជាលក្ខណៈអភិវឌ្ឍន៍របស់ពូកគាត់ នៅជួបសែនលំបាកនៅឡើយ ពិសេសគឺបងប្អូនកសិករនៅស្រុក Cần Giờ និងស្រុក Củ Chi ជាដើម ។

ចំពោះបងប្អូនកសិករនៅតំបន់នេះ លោក Đinh La Thăng ក៏មានប្រសាសន៍ថា ៖ បងប្អូនយើងនៅទីនេះ សុទ្ធតែជាប្រជាជនរស់នៅក្នុងតំបន់បដិវត្ត ធ្លាប់បរិច្ឆាកឈាមស្រស់ សាច់ស្រស់ ធ្លាប់ពលីអាយុជីវិត ដើម្បីបុព្វហេតុបង្រួបបង្រួមទឹកដី ប៉ុន្តែមកដល់ពេលនេះ បងប្អូនយើងនៅតំបន់នេះ នៅតែជួបសែនលំបាកនៅឡើយ ហើយទោះជាបក្សនិងរដ្ឋយើង បានយកចិត្តទុកដាក់យ៉ាងសំខាន់ក៏ដោយ ក៏ជីវភាពរស់នៅរបស់បងប្អូនយើងនៅទីនេះ នៅតែជួបលំបាកខ្លាំងណាស់ អាស្រ័យហេតុនេះ គោលការជួយឧបត្ថម្ភដល់ប្រជាជននៅទីនេះ គឺមានសារៈសំខាន់ខ្លាំងណាស់ ហើយលោកលេខាក៏មានសំណើរថា ទីក្រុងត្រូវសម្រេចគំរោងការ កសាងវិស័យហ្វូងសត្វគោឡើងវិញ ឱ្យស្របតាមដូចផែនការរបស់ក្រុមហ៊ុន Vinamilk ។ ជាក់ស្តែងគឺ កូនពូជគឺក្រុមហ៊ុនផ្តល់ឱ្យ ប្រភពវត្ថុធាតុដើមក៏របស់ក្រុមហ៊ុន បច្ចេកទេសក៏មកពីក្រុមហ៊ុន ដើម្បីផ្លាស់ប្តូរថ្មីហ្វូងសត្វគោនៅទីក្រុង ឱ្យអភិវឌ្ឍន៍តាមទិស ទិន្នផលខ្ពស់ផង និងគុណភាពល្អអស្ចារ្យទៀតផង ។ ពិសេស បងប្អូនកសិរត្រូវជាស្នូល ដើម្បីអភិវឌ្ឍន៍ ត្រូវជ្រើសរើសកសិករដែលមានហ្វូងសត្វគោជាង 50 ក្បាលឡើងទៅ ដើម្បីផ្តល់ឥណទានក្នុងអត្រាការប្រាក់ទាប ឬមិនយកការប្រាក់ ដើម្បីបងប្អូនមានឱកាសអភិវឌ្ឍន៍ហ្វូងសត្វគោរបស់ខ្លួន បំពាក់នូវបច្ចេកទេសទំនើបៗ និងមានវិធីចិញ្ចឹមថ្មីទំបើប ទើបទទួលបានផលិតផលល្អផង និងថ្លៃដើមទាបទៀតផង ៕

ប្រែសម្រួលដោយក្រុមចងក្រងភាសាខ្មែរនៃស្ថានីយ៌វិទ្យុះផ្សាយសម្លេងប្រជាជនទីក្រុងហូជីមិញ